Diyarname

Lîstikvanê berê, pêşkêşvanê fûtbolê yê BBC Gary Lineker bi ser hesabê xwe yê tora civakî re polîtîkaya hikumetê ya li ser koçberan rexne kiribû. Li ser vê yekê BBC peywira wî da rawestandin, lê ji ber reaksiyonan BBC bi paş ve gav avê; Lineker vegeriya ser karê xwe.

Lineker bernameya "Match of the Day" (Maça Rojê) pêşkêş dikir, lê hefteya borî ji ber vê qeyranê ev bername nehat weşandin. Hin pêşkêşvanên din û raya giştî jî piştgirî da Lineker. Ji nav BBC, ji nav raya giştî ya sporê kesî pêşkêşkirina bernameya Lineker qebûl nekir, loma jî BBC mecbûr ma bi paş ve gavan biavêje. Niha li bendê ne ku vê şemiyê Lineker carek din vegere ser karê xwe û bernameyê pêşkêş bike.

Serokwezîrê Îngilistanê Rishi Sunak got ku tu eleqeya hikumetê bi vê meseleyê re nîn e, lê Midurê Giştî yê BBC Richard Sharp yekî nêzî Serokwezîr Sunak e. Loma jî di vê bûyerê prestîja Midurê Giştî Sharp hejiya.

Piştî mesele çareser bGû Sunak bi ser tora civakî re peyam belav kir û got ku ew kêfxweş e mesele çareser bûye. 

Nûçeya Eleqedar:

- Pêşkêşvanê BBC rexne li hikumetê kir, peywira wî hat rawestandin