Diyarname
Nivîskarê ermen Migirdîç Margosyan îro canê xwe ji dest da. Roja 7’ê mehê saet 14’an de li Patrîkxaneya Kumpaniya Stenbolê dê merasim bê sazkirin û cenazeyê wî li Goristana Ermenî ya li Şîşliyê bê definkirin.
Şaredarê Adalara Stenbolê Erdem Gul ji ser hesabê xwe yê twittirê re agahiya mirina Margosyan ragihand. Gul wisa nivîsî, “Ji ermeniyên Amedê. Wî bi zimanê xweş ê wêjeya me xweş dewlemendiya vê axê aniye ziman. Ew nivîskarê pirtûka mikemel ’Soyle Margosyan Nerelîsîn’ (Bêje Margosyan Tu Ji Ku Yî) e. Me Migirdîç Margosyan winda kir. Em gelek xemgîn in.”
Migirdîç Margosyan kî ye?
Migirdîç Markosyan roja 23’yê berfanbara 1938’an li Taxa Xançepeka Amedê hatiye dinê. Dibistana seretayî li wir xwendiye, dibistana navîn û lîse li Stenbolê xwendiye û paşê Beşa Felsefe ya Fakulteya Wêjeyê ya Zanîngeha Stenbolê xwendiye.
Piştî xwendinê bi salan di dibistanên fermî yên ermen de mamostetî kiriye. Paşê dest ji mamostetî ber dide û dikeve nav ticaretê. Di rojnameya ermenî Marmara de çîrokan dinivîse û paşê wan dike pirtûk. Dûre gelek pirtûkên din dinivîse.
Margosyan piştî salên 90’î di gelek rojnameyên wekî Gundem, Yenî Yuzyil de dinivîse û ji wan salan ve heta niha di rojnameya Evrenselê de quncik dinivîsand.
Pirtûka wî ya dawî bi navê “Tanri’nin Seyir Defteri” di sala 2016’an de hat weşandin. Ew di heman demê de yek ji rêveberên Weşanxaneya Arasê bû ku Aras li Stenbolê ye û weşanxaneyeke ermen e.
(Foto MA)