Diyarname
Sînemagerên endamên Tevgera Sînemaya Nû bi daxuyaniyeke piştgirî dan derhêner Kazim Oz.

Li Poloanyayê îsal di Festîvala Fîlman a Asoyên Nû de wê beşeke ji Tirkiyeyê jî bihata nîşandayîn. Fîlmên Kazim Oz "Fotograf" û "Şewaxan" jî hatibûn qebûlkirin û wê bihata nîşandayîn. Wezareta Çandê ya Tirkiyeyê sansur danîbû ser Fotograf û nexwestibû ew bê nîşandayîn. Li ser vê yekê derhêner Kazim Oz belgefîlmê xwe "Şewaxan" jî ji festîvalê kişand.
Piştî vê yekê  Tevgera Sînemaya Nû ku di nav de sînemagerên wekî Derviş Zaim, Huseyin Karabey, İnan Temelkuran, Mahmut Fazil Coşkun, Ozcan Alper û Pelin Esmer jî têde hene daxuyaniyeke weşandin û piştgirî dan Kazim Oz.

Di daxuyaniya ku weşandin de gotin ku ew piştgirî didin vê tevgera Oz û wiha dom kirin: "Ateşeya wezaretê ji ber naveroka 'Fotograf' zor li peywirdarên festîvalê kirine û fîlm ji bernameyê hatiye derxistin. Em wekî Tevgera Sînemaya Nû bang li wezaretê dikin ku li ser vê helwesta ku bi awayekî eşkere sansur e daxuyanî bide û meseleyê zelal bike."

Sînemageran got ku destnedana hunera ku li derveyî welat li ser welat tê li dar xistin ji bo siyasetmedar û burokratan berpirsiyarîyeke exlaqî ye.

Di nav Tevgera Sînemaya Nû de ev kes hene:
Asli Filiz, Belma Baş, Belmin Soylemez, Derviş Zaim, Emre Yeksan, Haşmet Topaloglu, Huseyin Karabey, İnan Temelkuran, Mahmut Fazil Coşkun, Mehmet Eryilmaz, Murat Duzgunoglu, Nadir Operli, Nida Karabol, Orhan Eskikoy, Ozcan Alper, Ozgur Dogan, Pelin Esmer, Selim Evci, Serkan Acar, Serkan Çakarer, Sevilay Demirci, Seyfi Teoman, Seyhan Kaya, Tarik Tufan, Tolga Esmer, Yamaç Okur.