Diyarname
Di çarçoveya Festîvala Fîlman a Navneteweyî ya Stenbolê de du sînemagerên navdar dersên sînemayê dê bidin.

Alexander Sokurov li Stenbolê ders dide

Yek ji derhênerên hemdem ê rus Aleksander Sokurov di çarçoveya festîvalê de 18'ê mehê saet 16.00'an de dê li Zanîngeha Bogazîçî Navenda Fîlman a Mithat bi sînemageran re bê cem hev. Sokurov dê li ser huner, sînema, dîrok û derhênerî dersekê bide.
Sokurov ku li Sibiryayê hatiye dinê Enstîtuya Fîlman a Mostovayê xwendiye. Derhênerê navdar heta niha li dor 40 fîlm û belgefîlm kişandiye.
Di heman demê de fîlmê Sokurov ê dawî "Aleksandra" jî di çarçoveya festîvalê de tê nîşandayîn.

Kim Aubny li Ak Sanatê ye

Sazkarê fîlman Kim Aubry ku fîlmê "Qiyamet" 2001'ê de li ser daxwaza Coppola ji nû ve ber çavan re derbas kir. Aubryyê navdar niha li ser vê projeya taybet û qadên ku têre derbas bûye dê biaxive.
Dersa sînemayê ya Kim Aubry 19'ê mehê saet 16.00'an de li AkSanata li Beyogluyê li dar dikeve.