Diyarname
Nivîskarê portekîzî yê xwediyê Xelata Nobelê ya Wêjeyê Jose Saramago jiyana xwe ji dest da.

Weşangerê wî Zeferino COelho li ser înternetê daxuyaniyeke weşand, da zanîn ku her ku çû nexweşiya Saramago giran bû û wî li mala xwe ya li Giravên Kanarya li Lanzaroteyê jiyana xwe ji dest daye.

Nivîskar Jose Saramago ku di sala 1998'an de Xelata Nobelê girtibû yekem berhema wî ku hatibû weandin "Welatê Gunehan (Terra do Pecado)" bû.
Nivîskar digel romanan, helbest, çîrok, ceribandin, rojnivîsk û lîstikên şanoyê jî dinivîsand.
Nivîskarê ku heta niha pirtûkên wî li gelek zimanan hatin wergerandin, pirtûkên wî li tirkî jî hatine wergerandin.

Di sala 2002'yan de dema li hemberî nivîskar Mehmed Uzun doz hatibû vekirin nivîskar Jaso Saramago tevî Gunter Grass daxuyaniyeke şermezarkirinê weşandibûn. Di daxuyaniyê de wan bal kişandibûn ser binpêkirina mafên mirovan ên li Tirkiyeyê û çewsandinên li ser zimanê kurdî şermezar kiribûn.