Diyarname

Teknîk dîrektorê Manchaster City (MC) Pap Guardiola roco ke bîyo teknîk dîrektorê enî tîmî heta enka tîm her raver berd. MC, Îngilistan de tîmeke bi qelîtew miyanÎn bî, la bi Guardiola bî jo tîmo pîl ê îngilîz. Eno tîm Îngilistan de game bi game verê hedefê xo yê serkewtinî de şino la di Lîgê Şampiyonan de siûdê cê hamey girotişî. Ew vizêrî jî bi ser nêkewt.

MC di Çarîk Fînalê Lîgey Şampiyonan de virêzî kê xo de tîmo bîn ê îngilîz Tottenham de kay kerd. Maça joyîn de 1-0 kerd bî vinî, di maçey vizêrî de 4-3 bi ser kewt la no reqem bes nêbî. Bi enî encamî Tottenham derbasê nîm fînalî bî, MC geyra a kê xo.

Tîma Guardiola bî di rey çarÎk fînal de, reyke jî di dorey 16'inan de bi ser nêkewt û geyra a kêxo.

Di serdemê 2016-17 de di dewrey 16'inan de MC û Monaco hameybî têhet, MC di maça joyîn de kê xo de bi 5-3 bi ser kewt bî la deplasman de bi 3-1 maçe kerde vinî û xeyalê cê şikiyay. Di serdemê 2017-18 de MC nawem rastê tîmê înglîz Liverpoolî hame. Maça joyîn de bi 3-0 kerd vinî, di maça diyin de jî bi 2-1 maçe kerde vinî û xeyalê cê şikiyay. Û emsar: Emsar,y serdemê 2018-19'inan de MC di çarîk fînal de bî reqîbê Tottenhamî. Maça joyîn kê Tottenham de 1-0 kerd vinî, maça diyîn vizêrî şande kê xo de kay kerd. Bi 4-3 maçe girote la eno bes nêbî û hêvî xo yê Kûpaya Lîga Şampiyonan verda serêke bîne.

Pep Guardiola di tîmê katalan Banselona de dest bi teknîk dîrektorî kerd. Guardiola di Barselona de di rey (2008-09, 2010-11) Kûpay Lîgê Şampiyonan girot. Dimara derbasê Bayern Munihî bî. Ewca lîgê Alman de bî şampiyon la Kûpay Lîgê Şampiyonan nêşka bibo şampiyon. Guardiola ke hîrê serî Almanya de bî her hîrê rey jî derbasê nîm fînalî bî û ewcara geyra a.

Tîmê nîm fînalîstî

Vizêrî maçêke bîne jÎ bîbî. Tîmê îngilîz Liverpool kê Porto de bi 4-1 bi ser kewt û derbasê nîm fînalî bî. Di nîm fÎnal de Berselona û Liverpool, Ajax û Tottenham bî reqîbê jobînî.