Culemêrg

Baroya Culemêrgê der barê qetilkirina du welatiyan û birîndariyên li Geverê de daxuyaniyek da û xwest waliyê Culemêrgê ji peywirê bê girtin.

Serokê Baroya Culemêrgê Muhîttîn Gungor daxuyaniyek nivîskî da û balkişand ser daxuyaniyên walî û got divê lêpirsîn bê vekirin.

Di daxuyaniyê hat diyar kirin ku di 6’ê berfanbarê de welatiyên ku texrîbkirina gorên gerîlayên PKK’ê protesto dikirin rastî êrîşên bê hiqûqî yên polîsan hatine û Veysel Îşbîlîr û Reşît Îşbîlîr hatine kuştin.

BI SER NEXWEŞXANEYÊ DE GIRTIN

Gungor wiha dom kir: “Em wekî parêzerên baroyê ji bo tevlî otopsiyê bibin çûn Nexweşxaneya Dewletê ya Geverê. Lê polîsên rupuş bi ser nexweşxaneyê de girtibûn. Bi sedan bombeyên gazê avêtin wir û ji bo welatiyan derb bikin cenaze revandin. Hê der barê du cenazeyan de tu tiştek nehatibû kirin Walitiya Culemêrgê îdîa kir ku ev her du kes di pevçûna çekdarî de hatine kuştin. Lê hêj otopsî û lêkolîna cihê bûyerê nehatibû kirin. Li ser vê daxuyaniya Walî di çapemeniya netewî de sûcdar dike hat serwîskirin. Her wiha welatiyê bi navê Bemal Topçu jî hê xweşê giran e. Daxwaza me ew e ku Waliyê Culemêrgê û midûrê polîsan ji peywirê bê girtin. Em vê êrîşa wan tund şermezar dikin. Divê demildest kujer bên cezakirin.

Yekîtiya Odeyên Êlihê: Bila kujerên Îşbîlîran eşkere bikin

Yekîtiya Odeyên Esnaf û Sanetkarên Batmanê jî bi daxuyaniyeke  kuştina îşbîlîran şermezar kir diyar kir ku ewê li têkoşîna hevalên xwe esnafkar Îşbîlîran xwedî derbikevin. Odeyê bang li hikumetê kir ku di zûtirîn demê kujeran eşkere bikin.

Di vê navberê de li gelek bajar û navçeyan meşên şermezarkirinê yên bûyerên li Geverê didomin. BDP'ya batmanê jî sibê (10'ê mehê) saet 13'yan de meşek li dar bixe. Meş wê li ber avahiya BDP'ê dest pê bike û heta kuçeya hunerê bidome. BDP, bang li gel û derdorên demokratxwaz kir ku sibê tevlî meşê bibin.