Hewlêr
Hunermend Diyar di semînera bi navê "Ciwan, huner û çand" ya ku ji aliyê Kowera Hewdem ve hate li dar xistin de wiha got: "Herêma Fedaral a Kurdistanê ji dêvla ku ji bo yekîtiya kurdan rol bilîze dixwazin bikin navenda dejenerayona çandê."

Xebatkarên kovara Hewdem a ji aliyê Xwendekarên Zanîngeha Hewlerê ve tê derxistin panela bi navê "Ciwan, huner û çand" li dar xist. Di panela ku li Hola Şadî hate lidarxistin de nezê 300 xwendekar beşdar bûn. Semîner bi rêzgirtênê dest pê kir. Hunermend Diyar Dersîm daxuyand ku eleqeya wî ya muzîkê bi guhdarkirina Radyoya Êrîwanê zêde bûye. D
iyar, destnişan kir ku ji ber ku zextên dewletê muzîka kurdî nedikarî bêje derket Ewropayê û wiha got: "Ev 23 sal in ez li koçberiyê li Ewropayê dijîm. Tu helwest nikarin min ji doza gelê min ve veqetîne."

Hunermend Diyar, destnîşan kir ku çand, huner di nava yekîtiya neteweyî de hêza herî mezin e. Diyar, da zanîn ku Herêma Kurdistana Federal bi rol û mîsyonekê dîrokî re rû bi rû ye û daxuyand ku herêm ji bo azadiya 4 parçeyan dikare bibe bingeha derketinek mezin.
Diyar, destnîşan kir ku ev dejenerebûn bi rayedaran re dest pê dike û kesên ku tu alîkariya wan bi çanda kurdan nabin ên wekî Îbrahîm Tatlises û hwd. mîsyonerên pişaftinê li Balafirgeha Hewlerê rastî salona VIP'ê tên, lê Ozan Aydin û Dîno gelek kesên wekî wan ên ji bo pêşvebirina çanda kurdan di nava hewldanan de ne jî ji heman balafirgehê, naxin hundir.