Diyarname

Enstîtuya Kurdî ya Stenbolê belge dan xwendekarên xwe yên di qursan de bi ser ketin.

Di çarçoveya Cejna Zimanê Kurdî de li bakur gelek çalakî hatin kirin. Piraniya çalakiyan bi însîyatîfa TZPKurdî li dar ketin. Di heman demê de TZPKurdî û Enstîtuya Kurdî ya Stenbolê di qursan de dersa zimanê xwendekaran. Di roja dawî ya Cejna Zimanê Kurdî de merasima dayîna belgeyê ya ji bo xwendekaran li avahiya Enstîtuyê hate li dar xistin.

Di merasimê yên asta yekemîn 40 kesî, yên asta 2'yemîn 20 kesî, yên asta 3'yemîn jî 18 kesî,her wiha 25 jî mamosteyan belgenameya xwe girtin.

Di merasimê de Serokê Enstîtuya Kurdî ya Stenbolê Sami Tan axaftineke kir û got ku gelê kurd di warê ziman de di warê hişyariyê de ye. Tan îdamkirina kurdan a Îranê, cezadayîna berpirsê karên nivîsaran ê Azadiya Welat şermezar kir, dûre got ku digel siyasetmedaran hevalên wan Alaattin Aktaş, Qahir Bateyî û Hemîd Dilbihar jî hê di girtîgehê de ne.

Tan ji bo xwendekarên ku belgeyên xwe girtin got ku ev belge karek dide ser milê wan, zanînê dide wan ku zanîn berpirsiyarî ye.

Serokê Enstîtuyê Tan ji xwendekaran xwest ku bibin têkoşîne ziman, bibin aktîvîstê ziman.

Lêkolîner Prof. Celîlê Celil ku li wê derê amade bû jî kurteaxaftineke kir û got: "Ez we pîroz dikim. Ez xemgîn bûm, temenê min zêde ye ez nikarim tevî we bixwînim û wekî sembolîk vê belgeyê bigirim. Ez dixwazim hêza we bibe bi hezaran. Ev meş bigihîje Diyarbekirê û derbasî hemû parçeyê Kurdistana Tirkiyeyê bibe."

Piştî axaftinan kokteylek tevî muzîkê li dar ket.