Diyarname
Ji ber bûyerên di maça Diyarbekirspor û Bursasporê de derketin Lijneya Dîsîplînê ya Fûtbola Profesyonel 3 maç ceza da û 40 hezar TL cezaya pere da Diyarbekirsporê.
Her wiha rêveberekî wan jî bi 30 roj mena ji maçan hat cezakirin. Ger ev ceza di Lijneya Tahkîmê de bê qebûlkirin Diyarbekirspor wê 3 maçên xwe li derveyî Diyarbekirê, li sehaya bêalî de û bê temaşevan bilîze.
Her wiha di bûyerên wisa de rêziknameya fûtbolê ya Tirkiyeyê tîma li mala wê bûyer derketiye wekî 3-0 têkçûyî qebûl dike. Li ser vê yekê jî sêşema pêşiya me lijne wê li hev bicive û biryareke bide.
Wekî notek: Di maça nîveka yekem a Bursaspor û Diyarbekirsporê de li Bursayê digel ku ji bûyerên li Diyarbekirê zêdetir bûyer derketin jî Lijneya Dîsîplînê ya Fûtbola Profesyonel cezayeke bi vî rengî neda Bursasporê, tenê cezaya pereyan dabû Bursasporê.