Dêrik

Li Dêrika Rojava radyoyeke din dest bi weşanê kir. Radyoya Dîcle li ser pêla 7,89 re weşana xwe dike.

Ji bo vekirina radyoyê merasimek hat li dar xistin; endamên Meclisa Dêrikê, endamên saziyên sivîl, rewşenbîr di merasimê amade bûn.

Radyoya Dîcle, ji serê sibê saet 07:30 heta 00:00'an bi zimanên kurdî, erebî, suyranî, kildanî û ermenî li ser pêla 7.89'an weşanê bike û dê li tevahî herêma Cizîrê, Şengal, Cizîra Botan, heta niha Dihok û heta beşek li Bakur bê guhdarîkirin.

Melevan Resûl ji ANHA'yê re axivî û got, armanca vê radyoyê parastina muzîka pireng a bajarê Dêrikê ye û xurtkirina çand û mîraseya pêkhateyên herêmê ye.

Resûl her wiha got: "Radyoya Dîcle dê namyeke ji tevahî gelan re be ku dê girîngiyê bide rewşa gel û êşa wê, rewşa xizmetguzarî, wêje, kevneşopî, dîrok û pêşxistina çanda herêmê û dê nûçeyên siyasî biweşîne."

Meh û nîv berê Radyoya Dîcle dest bi weşana testê kiribû û ji roja 19'ê gulana 2021'ê re êdî dest bi weşana normal dike.