Celil Demiralp

Bêyî sedem bên nîşandayîn nehiştin Ozan Dîno û Aydin bikevin Hewlêrê, ew bi heman balafirê bi paş ve şandin.

Hunermendên kurd Ozan Aydin û Ozan Dîno û kameraman Mehmet Uçpinar û muzîkarekî ciwan duh bi balafirê Frankfurtê duh serê sibê saet 07.00'an de li Hewlêrê peya bûn. Li ber derî helwesteke tund li hember hunermendan hate nîşandayîn û bêyî sedem bê nîşandayîn ew siwarê heman balafirê kirin û bi paş ve şandin. Bi vî awayî nehiştin hunermendên kurd pêl li axa kurdan bikin.

Ozan Dîno li ser vê yekê ji bo ANF'ê wisa got: "Peywirdarekî ku hat pêşiya me got, 'Hûn nikarin bên vî bajarî', piştre midûrê balafirgehê hat wî jî heman helwest nîşan da."
Ozan Dîno da zanîn ku pirsîne "Hûn bakurî ne?", piştre saeteke ew rawestandine, ji bo gelek cihan telefon kirine û dûre ew mecbûr hiştine ku siwarê heman balafirê bibin û vegerin.

Ozan Dîno got ku ji wan re gotine, 'Ger hûn bi xwe siwar nebin emê bi zor we siwar bikin' û wiha domand: "Xwest bi awayê zorê jî bi ser me de bên lê pîlotê balafirê peya bûye û reaksiyon nîşna daye. Li ser çima em nikarin biçin Hewlêrê tişteke negotin û bi ser de jî gotin ku ew ne mecbûr in tiştekê bibêjin."

Li gor gotina Dîno ew ji bo konserdayînê çûbûn Hewlerê.

Ji ANF'ê hatiye girtin