Diyarname
Li Sêrtê polîsan li rojnameger İzzet Oktay dan, makîneyê wî şikandin û xwestin wî bigirin bin çavan. Oktay der barê polîsan de li cem dozgeriyê gilî kir.
Nûçegîhan Îzzettîn Oktay ku nûneriya rojnameya Duruş a li Sêrtê dike û li wê derê nûçegihaniyê jî dike. Oktay ji bo daxuyaniya DTP’ê ya li ber avahiya DTP’ê bişopîne çû cihê bûyerê. Piştî ku girse ket meşê Oktay jî ew şopand, wêne kişand, di vê navberê de polîsan dor lê girt, bi cop û kulman lê xist û makîneya wî ya kişandina fotografan çend caran li erdê xist û şikand. Polîsan xwest wî bigirin bin çavan lê dîsa ew berdan. Di vê navberê de Oktay parçeyên makîneya xwe ya şikstî berhev kir û çû serî li dozgeriyê da.
Oktay bi daxwaznameyeke sûcê serî li Dozgeriya Sêrtê da û xwest ku yên sûcdar bêne dîtin û mexdûriyeta wî ji holê bê rakirin.
Îzzettîn Oktay ji bo yên dibêjin ‘azadiya çapemeniyê heye’ vê mînakî nîşanî wan dide û diyar dike ku li tu derê dinyayê mirinên bi vî awayî nayên kirin lê li Sêrtê bi bûyerên bi vî rengî re rû bi rû dimînin.
Nûçegîhan Oktay di dawiyê de bang li hemû kesên pejinkar kir ku li ser meseleyê bisekinin û piştgiriyê bidinê.