AMED

Kongreya Îslama Demokratîk li Grenn Parka Amedê li dar ket. Rêberê PKK'ê Abdullah Ocalan ji bo konferansê peyamek şand.

Vaye peyama Ocalan:

"Ji Kongreya Îslama Demokratîk re

Birayên min ên mumîn:

Li navendên sereke yên qada Îslamê guhertinek mezin pêk tê. Di vê pêngavê de îxanet û îsyana wê pêk tê. Di ferqa ku ger bîkaranîna têgehên “Kurdistan” û “Demokratîk” kêm û şaş bên famkirin, dê rê li pêş kêmasiyên din vekin û ji bo ku em rê li pêş şaşiyên mezin bigirin û rê li pêş rastiya cewherê wê vekin, di bikaranîna têgehan de neketim nava fikaran.

Bi taybetî du bizavên wekî navendên îslama hatin zanîn û heta îro bi feraseta desthilatdarî ya selefî ya Îrana şia ku bi hişmendiya dewletparêziyê tev digere texrîbatên mezin bi xwe re aniye. Li hemberî vê yekê bi têgehên demokrasî û gel bilindkirina ala têkoşînê wekî erkekî girêdana cewherê olî diparêzim û qebûl dikim. Li dijî du navendên desthilatdariyan ên ku navendên wan dewletparêzin, bi bersivdayîna îslama demokratîk, sincî, polîtîk û civakî ya navenda wê demokrasî û meskenê niştecihî ye wekî erka vîna bingehîn a kongreyê dibînim û silav dikim.

Her du bizav jî bi bizavên navendî yên desthilatdarî û dewletparêziyê, bi bilindbûna kapitalîst emperyalîstê pêş ketine. Ev her du têheh di serdema saltanata serdest de di hilweşîna Împaratoriya Osmanî de bikar anîne. Bi taybetî jî ev bizav, ji aliyê Împaratoriya Îngilistanê ku wekî Hegemona nû ya cihanê ye hat bikar anîn. Hê jî ev têgeh zêde tê bikar anîn.

Di her du navendan de jî mîkroba nijadperestiyê li dijî cewherê ola îslamê hatin bikar anîn. Di avakirina dewletên netew de ji bo pergala Netew Dewletê ava bike têgehên zor ên kapîtalîst emperyalîzmîna sereke bikar anîn. Bi rêbaza zorê li dijî gelê xwe bi a wayekî zalimane bêyî têkevin nava fikaran bikar anîne.

Lewra feraseta umeta îslamê bi cewherî netew-dewletê ve naperçime.

Ji xwe împaratoriya Îngilistanê bi boneya umeta îslamê perçe bike netew dewlet pêş xist. Dîsa bîrdoziya wê ya sereke bi zanebûn nijadperestî pêş xist. Ev feraseta nijadperestiyê bi hiş û rahîm (malzarok) a umeta îslamê ve pesinand. Di 200 salên dawî de di meskena îslamê de nirxên gel ên îslamê perçe kirin û texrîb kirin.

Birayên min ên mumîn:

Îslam bi rastî li ser navê ol, gerdûniya herî dawî diparêze û nûneriya olên dawî dike. Hem ji ber ziman û hem jî ji ber felsefeya xwe gerdûniyek girîng bi dest xistiye. Di vê yekê de şik û guman tune. Lê tiştê ku ez di vê felsefeyê de herî girîng dibînim jî aliyê “yek" e. Vê yekê dixin meriyetê. Gerdûniya vê yekê xwe di “Yekîtiya Xweda" de bi hêzdarî nîşan dide. Di serê peywirên me yên bingehîn de bi Nas'ên Xwedê yên ne girêdayî war û demê, wekî heman "Yek" yên berpirsiyariya nas'an bên destgirtin û mafê wan teslîmî wan bê kirin. Ez bi têgehek zanîstî bêjim, divê em pêkanîna şênber a rêgezên giştî bi adilane û azad bi ser bixin. Dîsa bi şênberî bi tevahî di hemû zindîwaran de û bi taybetî di civakên girêdayî mirovan de li gorî gerdûniya îslamê li gorî nêzîkatiya adilane û azad em pêk bînin.

Divê mafê qûl neyê xwarin û marî neyên eciqandin.

Lê ji ber du navendên zalîmane xerabkar ên wekî “hîzbullah” û “El Qaîde” yên bi feraseta kapîtalîst kirine belaşa umeta îslamê. Ev yek temsîliya faşîzma rojane dike. Faşîzm, bi darvekirinê û serjêkirinê di serî de gelê Kurdistanê, li dijî hemû mirovên misliman û ne misliman pêk tê. Faşîzma nijadperest, otorîter û laîk, duh jî û îro jî hê pêkanînên xwe yên faşîzma dewletparêz didomîne. Dîsa oldariya radîkal û faşîzm bi destê van 2 bizavan pêk tîne û dixe jiyanê.

Birayên bawermendên birêz;

Tevgera Azadiya Kurdistanê dê tu car nekeve rêşaşiya nijadperest, laîk û otorîter û derdorên xwe wekî Îslama radîqal bi nav dikin û dê tu car fersendê jî nede wan. Ez bawerim ku, tevgera azadiyê ku hûn temsîl dikin dê li hember nijadperestî, cinsî, desthilardariya zilam ya kapîtalîst ku xwe wekî zanist bi nav dike dê ev tevger demokrasiya radîqal û qada azadiyê ew bi xwe bike. Ez banga Bawermendên Îslamiyeta nûjen a “yekîtiya miletê” watedar dibînim. Lê belê ev tu car nayê wateya, yek dewlet, yek millet, yek al’ê. Berevajî di ayetekî de jî derbas dibe, ”Ji ber ku hûn hev nas bikin, me hûn wekî qewmên cuda afirandin.” Ev hikum bixwe di nav xwede PIRANIYA DEMOKRATÎKA WEKHEV Û AZAD diafirîne û yekîtiya qewmên din ên “yekîtiya miletan” tîne ziman. Kongreya we hem ji bo Îslama gerdûnî û hem jî ya takekesî hêviya min ew e ku Yekîtiya Milletan xurt bike û ji pirsgirêkên hizbî, mezhebî û tekekesî re nêzikatiyên rast derxe holê. Ez di vê mijarê de bawerî û hêviyên xwe dixwazim parve bikim."

Tevgera me ol-laîkê bi hegomanyaya bîrdozî ya rojavayê re naxeniqîne. Li gorî min îslam bi xwe jî olê bi laîkê ve asê bike şaş e. Ev yek tevahiya jiyana di Îslamê de xirab dike. Dîsa rêgezên Îslamê wekî tu dê bêjî mode ye li ser kincan dane nasîn, ji nêzîkahiyekî pozîtîvîst wêdetir nîn e. Heke îleh danasînekî Îslamê ya rojane bê kirin, li gorî min "çanda îslamê" ye ku ev nêzî hemû kesî ye. Ya bi Çanda Îslamî tê fêmkirin hem a hatî pêkhatin û hem jî tê wateya civaka Îslamî. Em jî bîr nekin ku şert, şikil û îbadeta îro pêk tê ji şertên Îslamê ya destpêkê gelek dûr in. Peyva yekemîn "Bixwîne" bû. Yanî bi têkildarî fêmkirinê re bû. Ya esas ev e. Ev xisûs bi rehetî ji bo roja me jî derbas dibe. Ji bo wateya îslama rojane nasîna rastiya civakekî dîrok û rêgezên azad ên demokratîka adîl a civakên îslamê cîhadî ekber û cihadê şûray yanî rexne û xwerexnedayîn lazim e. Bi gotinekî din her dem têkoşîna nefsî û têkoşîna li dijî hêzên şer ên derve ve lazim e.

Birêyên rêzdar, kongreya we li gorî gotinên giştî yên min gotin watedar mayînde be û ji şûnda jî sazîbûna wê gelek girîng e. Ev yek peywirek e û li pêşiya me radiweste. Wekî li welatên Îslamê bi giştî hewceyî bi sazîbûnekî îslama nû ya her tim heye. Ji bo ku cemeatên bi bingeha sulta, şîa, selefî û îhvanî yên ji kapîtalîzma kurevî xwe xilas nekirin, pêdivî bi sazibûnekî nû heye û ev yek pêwîst e. Helbet çare Îslama Diyanet a fermî nîn e. Îslama Diyaneta Fermî xesandiye. Ev yek îslama nefermî bêwateye û xizmetê li dijî xwe dike û îslamekî karîkatur e. Ji faşîzmê heya lîberalîzmê gelek qadên wê yên xizmetê hene. Ji ber vê yekê rola îslama dijber dilîze. Cemaat hem fermî hem jî bêyî fermî pratîkên îslama dawî li Tirkiyeyê tên ceribandin, civakê li hemberî mînakên herî desthilatdar, dijminê hawirdorê û talana kapîtalîzmê tîne. Rastiya Îslama adîl, azad û demokratîk alternatîfa wê ye û divê her tim xwe bi wate bike û her tim xwe sazîbûn bike. Navê sazîbûna nû li ser esasên rêxistinê û vînekî vûkuf dê pêk bê û ez dixwazin di vê mijarê de baweriya xwe bînim.

Herî dawî hinek derdor dixwazin tevgera me wekî ateîst, komînîst û meteraylîst bidin nasîn. Mirov dikare ji wan re bêje "koleyên têgehan". Ez dikarim tenê vê yekê bêjim; heke xwezaya civaka îslamî rastiyek be, oldarên îslamê û ateîstên Îslamê çênabin. Ev yek wekî têgeh wisa anîne ziman. Gelê ku her tim rastî mêtîngerî, êrîş, teknîkên şer ên herî pêşketî yên hemû kapîtalîstên kurevî hatine. Di rewşek wisa de, lehengiya gelê kurd dikarin wekî lehengiya Hz. Elî nîşan bidin. Em kevneşopiya îslama adîl, azad û demokratîk temsîl dikin. Di vê mijarê de tu gumana min tune ye. Tevgera me ji bo vê îdîayê bi hemû gelên mezlûm re parve bike û pêşengiya wê bike jî tu gumana min tune ye.

Kêfxweşiya herî girîng sentezekî tevgerekî Selehadînî ya hemdem û tevgerekî Huseyînî ya hemdembûn e û ev yek çavkaniya îmanê ye. Ez banga parvekirin, vînbûnê û çalakiyê dikim. Bi navê Xwedê yê azad û adil ê civakê û daweta yekîtiyê û dixwazim bi yekîtiyê bi bawer bin û ez careke din kongreya we silav dikim.

24 avrêl 2014