Diyarname
Ew navdar in. Ne bi vê tenê. Ew bi xêrxwaziya xwe jî navdar in. Di nav van de kî heye kî nîn e? Van ew kes.
Her navê wan di çapemeniyê de ye. Ew navdar in,bi vê navdariya xwe her li ser zimanan in. Ew dewlemend in, bi dewlemendiya xwe dikevin rojevê. Tenê ev? Na. Ew bi xwêrxaziya xwe jî di rojevê de ne.
Saziya bi navê "Giving Back Fund" dike ku wan ber bi xêrxwaziyê ve bikişîne. Malpera weqfê ragihand ku lîstikvan Paul Newman (par di 26.09.2008'an de jiyana xwe ji dest da) ji bo di warê tenduristî, perwerdehî û xebatên hawirdorê de bê bikaranîn 21 mîlyon dolar pere diyarî kiriye.
Li gor lîsteyê di rêza duyem de cotên Angelina Jolie-Brad Pitt hene ku wan 13.4 mîlyon dolar here bexşandine, ku ev pereyên wan li Etiyopyayê ji bo mala tenduristiyê, li New Orleansê ji bo firtonezadeyan û ji bo dêra ciwanên katolîk hatiye bikararîn.
Lîstikvan Mel Gibson bi 6.5 mîlyon dolarê ku diyarî kiriye jî di rêza sêyemîn de cih girtiye. Dûre bi 2,4 mîlyon dolarî talk şovkar Oprah Winfrey tê
Her wiha li gor lîsteyê Barbra Streisand ji bo bikaranîna bernemayên tenduristî û perwerdehiyê 1,7, Leonardo DiCaprio ji bo xebatê piştgiriya civakê 1,5, Will Smith û Jada Pinkett Smith ji bo xebatên çandî û têkoşîna bi nexweşiya tayê re 1,5 mîlyon dolar pere diyarî kiriye. Her wiha Nicolas Cage 1,1 mîlyon dolar diyarî Rêxistina Efûyê ya Navneteweyî, Drew Barrymore jî mîlyon dolarekî diyarî Bernameya Xurekê ya Cîhanê ya Neteweyên Yekbûyî kiriye.
Dîsa nivîskar Patricia Cornwell jî bi 2 mîlyon dolarê ku diyarî Zanîngehê Harvard û New Yorkê kiriye jî cih girtiye.
Di nav lîsteyê de sporkar jî hene. Pêşbezînerê berê Richard Childress'boksar Oscar De La Hoya, basketbolvanê çînî Yao Ming tenîskarê navdar ê berê Andre Agassi jî heye.