Diyarname
Fûara Pirtûkan a Stenbolê TUYAP îsal 28'emîn car deriyên xwe li pirtûkan vedike. 6 weşanxaneyên kurdan jî li fûarê ne.

Fûara Pirtûkan a Stenbolê TUYAP li Tirkiyeyê fûara herî mezin e. Fûar îsal di navbera 31'ê kewçêrê û 8'yê sermawezê vekirî ye.

Mijara bingehîn a fûara îsal wekî "Di Diyaloga Navçandan de Werger" daniye û li ser vê yekê dê gelek panel bêne li dar xistin, guftûgo bêne kirin. Mêvanê Rûmetê yê Fûarê yê îsal jî werger, rexnegirê şanoyê û helbestvan Cevat Çapan e.

Ji Tirkiye û derveyî Tirkiyeyê bi giştî 550 weşanxane, saziyên sivîl beşdarî fûarê dibin. Di fûarê de bi giştî dê 297 çalakiyên wekî gotûbêj, panel, guhdariya helbestan, xebatên atolyeyê, xebatên ji bo zarokên li dar bikeve.
Di nav weşanxaneyên ku beşdarî fûarê dibin de 6 weşanxaneyên kurdan jî hene. Weşanxaneyên kurdan ên wekî Aram, Avesta, Do, Perî, Deng, Nûbihar wê bi pirtûkên xwe li fûarê bin. Her wiha Evrensel Basim Yayin ku ew jî hin pirtûkan bi kurdî diweşîne dê li fûarê cihê xwe bigire.

Di çarçoveya fûarê de wekî her sal ARTÎST jî li dar dikeve. 19'emîn Fûara Hunerê ya Stenbolê ARTÎST dê berhemên xwe yên taybet pêşkêşî mêvanên xwe bike.

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.