Diyarname

Fîlmê "Efendî Gîşnareyan" wexto kewt vîzyon temaşeçiyan zehf eleqe nîşanê ê da. Ew zey rêze hame viraştişî; hîrê fîlmê cê hamey viraştişî. Enka jî rêzefîlmê yê yeno viraştiş. Qeybî rêzefîlmê "Efendî Gîşnareyan" butçeyke pîle kerdê hedre. Go zey rêzefîlm kînga televîzyonan de bêro motrayişî diyar niyo la enka de bi butçey xo kewto miyanê tarîxe. Vanê ke butçeyke zehf zehf pîle kerda hedre. Kanalê Amazonî ke reqîbê Netfliks û HBO'yo heqê vilakerdişê rêzefîlmî giroto. Amazonî butçey rêzfîlmî vet di qatî. Verî hamebî vatiş ke go 250 mîlyon dolar qeybî rêzefîlmî bêro xerckerdiş, enka qalê 500 mîlyon dolarî yeno qalkerdiş.

Sazkarê fîlmê "Efendî Gîşnareyan" Peter Jackson qeybî fîlman 280 mîlyon dolar xerc kerdbî.

J.R.R.Tolkein kitabê nê fîlmî nişt bî. Amazonî qeybî heqê telîfê rêzefîlmî 250 mîlyon dolar da Tolkeinî.

Heta enka Game Of Thrones mayîrê butçeyke pîl bî û qeybî her beşî 15 mîlyon dolar hamebî xecrkerdiş. Ana heyseno ke Efendî Gîşnareyan go rêzefîlmê Game of Thrones derbas bikero.