Diyarname
Li Antalyayê "Çogunluk"ê mohra xwe li xelatan. "Press" ê li ser rojnamegerên kurd ên hatine kuştin jî xelat girt.

47'emîn Festîvala Porteqala Zêrîn a Navneteweyî ya Antalyayê bi merasima belavkirina xelatan bi daqî bû. Di festîvelê de fîlmê Seren Yuce "Çogunluk" xelata Fîlmê Herî Serketî, Derhênerê Herî Serketî, Lîstikvanê Herî Serketî girt û mohra xwe li şevê da.

Fîlmê Sedat Yilmaz "Press" ku li ser rojnamegerên kurd ên hatine windakirin û ên hatine kuştin e jî Xelata Juriyê ya Taybet girt. Yilmaz piştî xelata xwe girt wisa got: "Li Tirkiyeyê ji bo aştî bê divê zimanekî nû bê. Ez bawerim Press zimanekî nû ye. Ez dixwazim qala du rojnamegerên ciwan bikim. Ferhat Tepe û Nazmi Babaoglu her du jî 18 salî bûn, hatin kuştin. Ez hurmetê nîşanî dilpolayiya di dilê wan de didim û vê xelatê diyarî wan dikim."

Ji derhênerên ciwan ên kurd Erol Mintaş bi kurtefîlmê xwe "Berf" Xelata Kurtefîlman ê Herî Serketî, Serhat Karaaslan jî bi "Bisqilêt"ê xwe ji Akademiya Dîjîtal Fîlmê xelata 5 hezar TL alîkariyê girt.

Di şevê de Xelata Konseya Bajêr dan fîlmê "Kavşak".

Di şeva ku gelek lîstikvanên navdar jî beşdar bûn de ev xelat hatin belavkirin:

Pêşbaziya Fîlmên Neteweyî:
- Fîlmê Herî Serketî: "Çogunluk"
- Yekemîn Fîlmê Herî Serketî: "Gişe Memuru"
- Derhênerê Herî Serketî: Seren Yuce (Çogunluk)
- Senaryoya Herî Serketî: Mert Firat, İlksen Başarir (Atli Karinca)
- Lîstikvanê Herî Serketî: Serkan Ercan (Bi rola di Gişe Memuru de), Bartu Kuçukçaglayan (Bi rola di Çogunluk de)
- Lîstikvana Herî Serketî: Claudia Cardinale (bi rola di "Sinyora ile İtalyan Olmak" de)
- Lîstikvanê Duyemîn ê Herî Serketî: Cengiz Kortuk (Bi rola di Kavşak de), Riza Akin (Bi rola di Saç de)
- Lîstikvana Duyemîn a Herî Serketî: Ayşen Giruda (Bi rola di Kagit de)
- Xelata Jurî ya Taybet a Doktor Avnî Tolunay: Elvan Albayrak (bi rola di "Sinyora ile İtalyan Olmak" de)
- Xelata Taybet a Jurî a Behlûl Dal: Aram Dilbar  (Bi rola di Pres de) (Bu ülkede yolunda gitmeyen bir şey var. Bunu dile getirdik. Kaybedilen gazetecilere, özellikle Musa Antere ithaf ediyorum, Zeynep Oral (Bi rola di Atli Karinca de)
- Xelata Hunerî ya Herî Serketî: Nihat Duşko (Hayda Bre)
- Xelata Vesazkirinê ya Herî Serketî: Aylin Zoi (Golgeler ve Suretler)
- Muzîka Herî Serketî: Mircan (Kar beyaz)
- Derhênerê Dîmenê yê Herî Serketî: Ercan Ozkan (Saç ve Gişe Memuru)

Xelatên SÎYAD:
- Pêşbaziya Neteweyî Fîlmê Herî Serketî: "Golgeler ve Suretler" (Derhêner Derviş Zaim)
- Pêşbaziya Navneteweyî Fîlmê Herî Serketî: "Mêşparêz"

Pêşbaziya Navneteweyî Fîlmên Herî Serketî:
- Fîlmê Herî Serketî: "Xeyalkirina Jiyaneke Xweş" û "Çemê Tumen"
- Derhênerê Herî Serketî: Lancelot Von Naso (Şerawestin)
- Lîstikvanê Herî Serketî: Nik Xhelilaj (Bi rola di Arnavut de)
- Lîstikvana Herî Serketî:  Emma Suarez (Bi rola di Mêşparêz de)
- Xelata Ciwanan a Juriyê: "Li Qada vittorio di Asansorekê de Pevçûna Şaristaniyan"

Xelatên Din:
- Porteqala Gel: Son Helva (Koma Karambol)
- Belgefîlmê Herî Serketî: "Koçerên Dawî yên Anadoliyê: Sarikeçililer (Derhêner Yuksel Aksu)
- Belgefîlmê Yekemîn ê Herî Serketî: "Ofsayt" (Reyan Tuvi), "Herkes Uyurken" (Erdem Murat Çelikler)
- Xelata Jurî ya Taybet a Belgefîlman: "Ordu'da Bir Argonot" (Ruya Arzu Koksal)
- Kurtefîlmê Herî Serketî: "Berf" (Erol Mintaş)
- Kurtefîlmê Hêjayî Pesindanê Xelata Taybat a Juriyê: "Donuşu Olmayan Yolculuk" (Guçlü Yaman)
- Xelata Akademiya Dîjîtal Fîlmê: "Bisqilêt" (Serhat Karaaslan) û "Teneke" (Bora Yuksel)