Îro (23.01.2018) çapemeniya dinyayê li ser êrîşa li ser Efîrê çi got? Me hin ji wan dan hev...

Times: Tirkiye dixwaze navbera DYA û YPG'ê xira bike
Rojnameya Times ku li Îngilistanê weşanê dike nivîsand ku Enqere dixxwaze navbera Washington û YPG'ya ku li Sûriyeyê mutefîka wê ye xira bike. Rojname dibêje Erdogan li ser sînorê Tirkiyeyê hebûna kurdan ji holê rake dê li nav Tirkiyeyê pûan bi dest bixe, ji ber ku li nava Tirkiyeyê antîpatiyek li hemberî YPG'ê heye.
Rojnameyê wisa nivîsî: "Efrîn bi tena serê xwe ne hedefa mezin a Erdogan e. Armanca bingehîn a Erdogan ew e ku şirîkatiya DYA û YPG'ê xira bike. Washingtonê ragihand ku dê li Efrînê neçe alîkariya YPG'ê. Ji bo piştgiriya li Rojava ya ji bo YPG'ê jî gotin bir û anî, diyar kir ku li wir gelek komên etnîk hene. Lê piştî ku gelek şervanên YPG'ê diyar kirin ku dê pozîsyona xwe ya heyî bihêlin û herin Efrînê li hemberî Trikiyeyê şer bikin kir ku DYA bikeve nava rewşek dijwar."

Finansal Times: Navbera Tirkiye û DYA
Rojnameya îngilîz Finansal Times jî wisa nivîsî: "Rewşa Sûriyeyê ku jixwe tevlihev bû bi vê operasyonê hê jî tevlihev bû. Her wiha operasyonê nîşan da ku navbera Tirkiye û DYA'yê çiqas zêdetir vebûye.

New York Times: Rewşa li qada şer
Rojnameyê nivîsî ku li hemberî nerazîbûnên Washingtonê jî  Tirkiyeyê li hemberî kurdên Sûriyeyê ku di şerê li hemberî DAIŞ'ê de mutefîkê herî nêz yê DYA'yê bûn şer da dest pê kirin.
Rojnameyê wisa nivîsî: "Li hemberî nerazîbûnên DYA'yê û bi qasî tê dîtin bi erêkirina Rusyayê Tirkiye êrîş kiriye. Ev yek nîşan dide ku têkiliya du mutefîkên NATO'yê vediguhere serdemek nû û berjewendiyên her du welatan li qada şer raste rast wan tîne hemberî hev."

Reuters: Minbîç xeta sor a DYA'yê ye
Berdevkê Pentagonê Serbaz Adrian Rankine-Galloway, rayedarên Pentagonê jî têde delegasyonek DYA'yê niha li Enqereyê ne ku Efrîn jî di nav de meseleya ewlehiyê nîqaş dikin.
Gonul Tol (Dîrektora Navendî ya Trikiyeyê ya Middle East Institute ku navenda wê li Washington DC ye) ji bo rojnameyê axiviye û gotiye ku hinek zehmet e DYA Serokomarê Tirkiyeyê Erdogan qanî bike ku nekeve Minbicê. Tol wisa gotiye: "DYA ji bo xirecira di navbera wê û Tirkiyeyê de nerm bike her tiştî dike lê dê rêyek çaqa bibîne ez nizanim. Divê gelek afirîner be."

Guardian (22.01.2018): Ev qumar dibe bi ser nekeve
Ji nivîskarên rojnameya îngilîz Guardian Simon Tisdall jî nivîsî ku Serokomarê Tirkiyeyê ligel Rusya, DYA û rejiya Beşar Esad jî li hemberî kurdên Sûriyeyê ji bo serketina teqez dilîze. Lê ev qumarek e, dibe ku bi lez veguhere û têk biçe jî."