Diyarname
Yek ji karakterên girîng ê sînemaya Tirkiyeyê Munîr Ozkul di 93 saliya xwe de li mala xwe wefat kir. Ev çend sal bûn Ozkul li hemberî nexweşiya "KOAH" û "DEMANS"ê ber xwe dida. Li gor agahiya malbatê 7'ê mehê piştî merasima nimêjê ya li Mizgefta Teşvikiye dê cenaçeyê wî defin mirin. Berî vê saet 11'an de li Sehneya Muhsîn Ertugrul merasimek bê lidar xistin.
Munîr Ozkul kî ye?
Munîr Ozkul di 15'ê gelawêja 1925'an de li Bakirkoya Stenbolê hatiye dinê. Di biçûkatiya xwe de bala xwe daye ser şanoyê. Wî İstanbul Erkek Lîsesî xwendiye û dûre derbesî Beşa Dîroka Hunerê ya Fakulteya wêjeyê ya Zanîngeha Stenbolê bûye. Piştî perwerdehî li Halkeviya Bakirkoy dest bi şanoyê kiriye, piştî demek li Şanoya Dewletê ya Stenbolê kar kiriye derbabî Şanoya Dewletê ya Enqereyê bûye.
Lîstikên şanoyê
Wî di lîstikên ku di Ses Tiyatrosî de dihatin lîstin de rol girtiye, paşê derbasî "Kuçuk Sahne" ku şanoyeke taybet bû bûye û li vê derê stêrka wî geş bûye. Di lîstika Steinbeck
"Mişk û Mirov" (1951), yê John Millington Synge "Babaegîd" d ilîsteka George Axelrod "Ezebê Havînê" (1954), yê John Patrick "Çayxane" (1955) de lîstiye. Dûre di gelek lîstikên din de lîstiye.
Fîlmên sînemayê
Di dawiya salên 40'an de bi awayekî tesadufî di nav setên sînemayê de cih girtiye û dema leşkeriya xwe dikir di seta fîlmê "Vatan ve Namik Kemal" de asîstaniya derhêner kiriye. Piştî ku di fîlmên sînmeyê de rol girtiye ser milên xwe gelek xelat girtine. Hin ji yên girîng ev in; Xelata Lîstikvanê Herî SErketî ya Porteqala Zêrîn (1972), "Xelata Pirpiroka Zêrîn" (1997), Xelata Rûmetê ya Sînemayê ya Siyadê (Komeleya Nivîskarên Sînemayê) sala 2014'an û Xelata Şanoyê ya Afîfe Xelata Taybet a Juriyê ya Muhsîn Ertugrul (2014).
Rolên girîng
Lîstikvan Munîr Ozkul ku yek ji karakterê girîng ê Yeşîlçamê (sînemaya Tirkiyeyê) bû herî zêde jî bi rola "Mahmut Hoca"^ya di rêzefîlmên "Hababam Sinifi" de di bîra mirovan de ma.
Hin fîlmên wî yên ku gelek eleqe dîtin:
- Salak Milyoner (1974)
- Mavi Boncuk (1974)
- Hababam Sinifi (1975)
- Bizim Aile (1975)
- Hababam Sinif Sinifta Kaldi (1975)
- Hababam Sinifi Uyaniyor (1977)
- Gulen Gozler (1977)
- Neşeli Gunler (1978)
- Hababam Sinifi Tatilde (1978)
- Hababam Sinifi Dokuz Doguruyor (1978)
- Erkek Guzeli Sefil Bilo (1979)
- Banker Bilo (1980)
- Gorgusuzler (1982)