Cemil Oguz
Serokê Jobîyiney Weşangeranê Tirkiyeyê (TYB) Kenan Kocaturk veynda û vat ke ma seferberî wendişî bidê dest pakerdin.
Fûara Kitaban a Stenbolî emsar 36'inan rey beyray xo eyro kerdî a. Meymanê rûmete yê fûare emsar Ayla Kutlu, meymano welat jî Korewo. Fûare bi merasimekê dest pa kerd. Di destpakerdinê merasime de Kordînatorê Fuarê Deniz Kavukçuoglu xeberî da. Kavukçuoglu serê darey zeytûne ke kerda logoy fûarey emsarî vindert û vat ke egir ma wayîr ro daranê zeytûnan vinderin ê hezar sere dewam kenê û bi ene hawey rexne ro polîtîkay hikumetê Tirkiya ke daranê zeytûnan birnenê kerd.
'Ma hîvey normalbîniyê'
Dimara Serokê TYB'î Kenan Kocaturkî serê weşangerê Tirkiye û Kore de xeberî da. Yê vat ke Kore sere 47-48 hezar hebî sernamey newe kitabî neşr kenê, yê Tirkiye dewrey 50-60 hezarî deyê. Kocaturkî vat ke butçey sere yê Kore dewrê 3.7 mîlyar dolarî ye, yê Tirkiya dewrê 2 mîlyar dolarî ya û Kore bi ene butçe di rêzey 6'inan a Lîstey Weşangeranê Dinya dewa, la Tirkiye bi ene butçe di rêzey 11'inan de wa.
Kocatirk serê weşangerî Tirkiya de jî vindert û vat: "Tirkiya de heme weşangeriya ke yena kerdiş sera 50'ê cê weşangeriya perwerdehiya. Miyanê ene reqemî de jî sera 30-40 kitabanê TEOG, LYS-YGS neşr kenê. Semedo hikumatî TEOG û sinavê bînin betal kerdî bi se hezaran kitabê ke hamey nerşkerdin destê weşangeran de mendê. Ger hikumat dest ênerzo ci û mesela hel nêkero ma go rêzey 11'inan ra jî bikoy cêr. Di rêzey aborî yê dinya de ma rêzey 17'inan de yê, di yê kitaban de ma rêzey 11'sinan de yê. Gere ma ene rêze biparêznê û raver berê."
'Wa kitabxaney dibistanan viraziyê'
Kocaturkî bal ant serê "Şûray Kulturî" ke emsar viraşt bî, qalê biryarê ewca de girotê kerd û vat: "Ma seferberî wendişî dabî dest pa kerdin. Dawan re mamostey nameyan niştoxan rê şirawetê û wazenê yînan rê kitaban bişrawê. Ma wazenê seferberî viraştişê kitabxaneyanê dibistanan bidê dest pa kerdin. Wa wezaretê çandî yarmetî bikero, ma zey TYB jî çi mara bêro ma kenê, ma eşkenê kitaban bê pere bişrawê yê kitabxaneyan."
Serokê TYB'î bal ant serê niştoxanê hepsan de jî û vat ke ê watenê rewşo normal bêro dest pa kerdin. Dima ajî yê ana vat: "Nifşê ke balêcê biyo vila yeno. Eno nifş tenî verê ekranî de wo. La tiya dinyayey xeyalan a bîne est a. Yînan biyarê kitapxaneyê fûare, wa ene dinyaya xeyalan bivînê."
'Ez bi sayey to est a'
Mêvaney rûmete Ayla Kutlu jî di xeberdanê xo de bal ant serê diruşmê fûare ya emsarî ke vanê "Edebiyat, baş o ke ti estê" û vat ez jî vana. "Erê baş o ke ti est ê, ez jî bi sayey to est a."
Weşanxaney kurdan
Di emsar tay weşanxaney kurdan fûare de ca kerdê a. Enî weşanxaneyan ra weşanxaney kurdan Avesta (No 2211 A), Nûbihar (No 2604 E), Rûpel (No 2605 C) û Ava (No 2605) û saziyan ra jî Weqfa Îsmaîl Beşîkçî (No 4111) stand kerdo a.
Di fûare de dewrê 850 weşanxane û saziyanê sivîlan stand kerdo a.
**
Nûçeyên Eleqedar:
- Neqandinek ji nav çalakiyên Fûara Pirtûkan
.jpg)
.jpg)
.jpg)
