Diyarname
Festîvala payîzê Fîlmekîmî îsal hem dem hem jî sînemayên ku lê fîlm tê nîşandayîn zêde dike. Fîlm 9 rojan dê li dar be.

8'emîn Festîvala Payîzê Fîlmekîmî ku ji aliyê Weqfa Çand û Hunerê ya Stenbolê (ÎKSV) ve tê amadekirin ji salên din cihêtir îsal dê 9 rojan li dar be.

Li gor daxuyaniya ku weqfê pêşkêş kir festîval îsal di bin sponsoriya "CNBC-e, Radikal û Radyo Eksen" de tê li dar xistin û fîlmê dê li sînemayê Beyoglu Emek û Cinebonus Maçka G-mall bêne nîşandayîn. Salên borî fîlm tenê li Emekê dihatin nîşandayîn zû tenê 7 rojan li dar bû. Îsal hem roj, hem sînema û hem jî seans hatin zêdekirin.

Di festîvala îsal de ku dê di navbera 17-25'ê kewçêrê li dar bikeve de, dê 24 fîlm bêne nîşandayîn û fîlmekî ku li bendê ne li Tirkiyeyê nû bikeve vîzyonê jî dê di festîvalê de di seanasa 21.30'yî de bê nîşandayîn.

Di festîvalê de îsal hin fîlmên ku dê bêne nîşandayîn ev in: "Beyaz Bant", "Çemê Londra", "Xwestena Xwînê", "Ji bo bihuştê pênc deqîqe", 'Were em pornoyê bikişînin", "Che", "Kî bi kî re li ku", "Zamanin Tozu", "Stêrka Biriqoq", "Eşqa Min", "Hayata Çalim At", "Gavek Cidî", "Bihuşt li Rojava ye", "Kapîtalîzm", "Îspiyonkar", "Li dû tolê", "9", "Veguherîn", "Meh", "Şark Oyunları", "Çîrokên Ji Serdema Zêrîn", "Polîteknîk", "li deriyê bihuştê".
Bilêtên fîlman dê 3'yê meha pêşiya me bêne firotin.