Diyarname
Partiya legel a kurdan bi salên 90'î ve didin dest pê kirin lê niha kovara "Kurt Tarîhî" vê ber bi salên 1960'î ve dibe...

Kovara "Kurt Tarîhî" ku heta niha du mehan carek derdikeve ji niha û pêde dê sê mehan carek derkeve. Kovara ku bi tirkî weşanê dike niha di bin banê Weqfa Îsmaîl Beşîkçî de weşana xwe didomîne û kovarê hejmara xwe ya 29'an derxist. Di hejmara tîrmeh-gelawêj-rezber de mijarên balkêş hene. Kovarê meseleya "Hilbijartinên 1965 û Kurd" wekî mijara sereke kiriye berga xwe.
Di nivîsa ku Cuma Çîçek nivîsandiye de meseleya hilbijartinan li Tirkiyeyê ji aliyê kurdan ve girtiye dest. Di vê meseleya hilbijartin û partiyên legal ên kurdan de her çiqas HEP derdikeve pêş û piranî wekî destpêk qala salên 1990'î tê kirin jî di nivîsê de ev yek ber bi sala 1960'î ve diçe. Di hilbijartina 1961'ê de "Yenî Turkiye Partîsî" li bajarên kurdan mebûsan derdixe û pênaseya kurdbûnê lêdikeve. Li gor nivîsê jêre wisa tê gotin; "Yekemîn partiya legel a li ser 'Kurdîtî' polîtîkayê dike." Paşê hilbijartinên 1965 û TÎP tê. Ji vê dakire bê gotin nivîs bi sernavê xwe jî ne ji hilbjartina 1965, ya 61'ê bida dest pê kirin belkî baştir ba. Lê bi her awayî nivîsek balkêş e ku rûpelên kovarê xemilandiye.
Ji nivîsên din Murat Issi li ser "Îsmaîl Hakki Babanzade (1876-1913), Rohat Alakom li ser Bedros Zartaryan (1925-1997) ku wekî dostekî kurdan daye nasîn nivîsiye.
Xalid Sadînî li ser "Mîrnameya Mîrên Hekarî" lêkolîna xwe pêşkêş kiriye. Ruşen Arslan jî meseleya "Dagirkirina Avahiya Hikumetê ya Farqînê" ku di sala 1965'an de çêbûbî girtiye dest.
Murad Celalî jî bi sernavê "Kedkarekî girîng ê kurdolojiyê August Jaba" nivîsa xwe pêşkêş kiriye. Jaba ku di sedsala 19'an de jiyaye ligel zimanê xwe yê zikmakî lehçe bi zimanên wekî rusî, tirkî, îngilîzî, fransizî, farisî, kurdî û erebî zanibûye û li ser kurdî gelek xebat kiriye. Di nivîsê qala ev xebata wî û têkiliyên wî û Mela Mehmûdê Bazîdî jî tê kirin.
Ji bilî van jî hin nivîs û lêkolîn di kovarê de cih girtine.
Ji bo têkilî û xwestinê:
0541 391 81 49
www.kurttarihi.org
kurttarihi2017@gmail.com