Stenbol

Hevserok û wekîlên HDP'ê ji bo "Nobeta Wicdan û Edaletê" ji ber avahiya HDP'ya Kadikoy heta Yogurtçu Parki meşiyan. "Nobeta Edalet û Wijdanê" ya HDP'ê duh li Amedê bi dawî bûbû, îro  li Yogurtçu Partiya Kadikoya Stenbolê dest pê bike û hefteyek bidome.

Berî nobet dest pê bike polîsan dora parkê bi bariyeran girt û nehişt kes here hundir. Her wiha gelek polîs jî li dor parkê bi cih bûn û park dorpêç kirin. Li dora parkê erebeyên TOMA û akrep rawestiyane. Polîsan nehişt rêveberên HDP'ê û tiştên anîn bibin nava parkê.

Di rewşek wisa de meşa Hevseroka Giştî ya HDP'ê Serpil Kemalbay û 12 mebûsên  HDP'ê ber bi parkê ve dest pê kir. Di destê wan de dovîzên "Mafê kedkaran nayê desteserkirin", "Destkeftiyên jinan nayê desteserkirin", "Em dest ji aştiyê bernadin", "Kes nikare siyaseta demokratîk tasfiye bike" hebûn.

Berî bigihîjin parkê Mebûsê HDP'ê yê Stenbolê Sirri Sureyya Onder jî axivî û got ku Nobeda Wijdan û Edelatê dê ji Edîrne heta Culemêrgê berfireh bikin û ev yek dê bibe cihê hevdîtina kesên demokrasiyê dixwazin. Her wiha Onder got ku her hemwelatiyê li vê derê dê bibe guh, çav û dengê kesên aştî û demoksariyê dixwazin. 

Nobeta Wîcdan û Edaletê dê bi civîna Koma HDP’ê ya Melîsê dest pê bike. Berî nobetê welatî li dora parkê kom bûn û dixwazin derbasî parkê bibin. 

Û di dawiyê de HDP'yî ketin Parka Yogurtçu û Civîna Koma Meclisê ya HDP'ê dest pê kir. Hevseroka HDP'ê Serpil Kemalbay diaxive... Piştî axaftinê dê nobet dest pê bike...
(Ev not paşê li nûçeyê hat zêdekirin)