Diyarname
Partiya Seadetê (SP) li Amedê projeya xwe ya "bi hev re bûna ji dil" eşkere kir. Vane ji wê projeyê agahî.

Di dema ku li ser pirsgirêka kurd gelek nîqaş têne kirin de SP'ê jî li Amedê projeyeke eşkere kir. SP'ê navê "Ji bo aştî û biratiyê bi hev re bûna ji dil" li projeya xwe kir û projeya xwe li Amedê eşkere kir. Serokê Giştî yê SP'ê Numan Kurtulmuş li Odeya Sanayî û Ticaretê ya Amedê proje eşkere kir, da zanîn ku di çareserkirina pirsgirêka kurd de navnîşan ne hikumet meclis bi we ye. Kurtulmuş her wisa ji bo çareseriyê diyar kir ku divê MGK (Lijneya Ewlehiya Neteweyî) li Amedê bicive, Serokwezîr Erdogan jî ji ber kuştinên kiryar nediyar lêborînê ji malbatên wan bixwaze.

Vane ji wê projeyê agahî:
- Divê zagoneke bingehîn ku her kes xwe têde bibîne bê amadekirin.
- Ji ber ku bi salan herêm piştguh hatiye kirin divê programa aborî û siyasî be eşkerekirin.
- Cerdevanî bê betalkirin û cerdevan di karên din de bêne peywirdarkirin.
- Zimanê zikmakî mafê bingehîn e û ev divê li derveyî nîqaşan bê girtin.
- Zarokên ku temenê wan di bin 18'an de re û niha di girtîgehan de bi cezaya 10'an salan a hepsê têne darizandin bêne berdan û ew bigihîjin malbatên xwe. Ji bo vê yekê divê madeyên zagonê bêne guhartin.
- Ji bo kirinên li Girtîgeha Amedê divê li Meclisê Komîsyona Lêpirsîn û Lêkolînê bê avakirin.
- Kesên ku bi gundiyan gû daye xwarin û li Dadgeha Mafên Mirovan a Ewropayê hatine mehkûmkirin derkevin pêşberî dadgehê.
- Çalakiyên Ergenekonê yên li rojhilatê Firatê divê bêne lêpirsînkirin. Di vî warî de divê Lijneya Teftîşê ya Serokatiyê bê peywirkarkirin.
- Di serî de "Andimiz" ku her sibe bi zarokan didin xwendin û hemû cudahiyên li nav sazî û dezgehên dewletê bêne rakirin.