Bawer Çakir 

Rêzefîlmê bi navê “Bu kalp seni unutur mu’ ku li ser serdema piştî salên 80’yî ya Tirkiyeyê bû weşana wê hate rawestandin. 

Rêzefîlmê “Bu kalp seni unutur mu” (Ma ev dil te ji bîr dike) ku sazkariya wê Tomris Giritlioglu dikir ji ber pirsgirêkên aborî di navbera 16-23’ê meha borî de nehatibû weşandin û dûre hatibû ragihandin ku wê di 2’ye adarê de dest bi weşana xwe bike. Lê Tomris Giritlioglu daxuyaniyeke weşand û da zanîn ku weşan ji ber pirsgirêkên aborî êdî wê neyê weşandin. 

Rêzefîlmê navborî ji aliyê Komeleya Rojnamegerên Radyo û Televîzyonê ve wekî Rêzefîlmê Herî Serketî ya Salê (2009) hatibû hilbijartin û xelatkirin. 

Rêzefîlmê ku ji aliyê Asis Yapim ve dihat kişandin, senaryoya wê Nilgun Oneş, çîrok û tretmana wê Mumtazer Turkone, Leyle Olça, Defne Sandalci, Hulya Işikkurt, Meltem Oneş dinivîsand, derhêneriya wê jî Aydin Bulut dikir.

Her wiha kesên wekî Ertuğrul Kurkçu, Tugrul Eryilmaz, Murat Belge, Yasin Aktay û Fehmi Koru jî şêwirmendiya rêzefîlm dikir. Di rêzefîlm de lîstikvanên wekî Bulent İnal, Melis Birkan, Berrak Tuzunataç, Okan Yalabik, Saygin Soysal, Gulumsun Koray, Tuba Unsal, Tansel Ongel, Yalçin Gurcan, Bulent Alkiş, Tugçe Kumral, Engin Hepileri, Fatih Donmez, Hale Soygazi û Salih Guney têde dillîstin. 

Giritlioglu dide zanîn ku reytin baş nediçûn lê meseleya reytîngê bi pirsgirêk e û ev yek lê zêde kir: “Em li hemberî mechûleke têdikoşin. Biryara 2500 kesên ku em nizanin ew hilbijartinê çawa dikin tesîr l ime dike. Em nizanin pîvandin çi ye, kî dike. Eleqeyeke mezin ji bo rêzefîlm heye lê di reytîngê de em encama vê bi dest naxin. Divê êdî reytîng bêne nîqaşkirin."

Giritlioglu got ku “Hatirla Sevgili” hê romantîktir bû lê e rêzefîlm zêdetir dilpola û dijwar bû.

Tomris Giritlioglu got ku dema rêzefîlm di vîzyonê de bûye kanalê tu mudexeleyê naveroka wê nek

iriye û wisa go: “Digel vê yekê jî beşên kum e li ser Girtîgeha Amedê kişandin muxalîfan bi xwe eleqeyeke baş nîşan neda û xwedî li rêzefîlm dernekevin.“