Amed
Akademiya Siyaseta Demokratîk û Dibistana Perwerdehiya Partiyê ya DTP'ê li Amedê hate vekirin.

Ligel ku heta niha piranî caran DTP'ê sazkirina Akademiya Siyasî girtibû rojeva xwe, yekemîn akademî li Kayapinara Amedê saz kir. Akademiya Siyaseta Demokratîk û Dibistana Perwerdehiya Partiyê ya DTP'ê bi beşdariya Hevseroka DTP'ê Emîne Ayna, Serokê DTP'a Amedê Firat Anli, parlamenterên DTP'ê Aysel Tugluk û Sebahat Tuncel, nivîskar Faîk Bulut, parêzer Fethî Gumuş, Wekîlê Şaredarê Bajarê Mezin ê Amedê Alî Şîmşek, Şaredarê Kayapinarê Zulkuf Karatekîn, Şaredara Baglarê Yuksel Baran û endamên LRN'a DTP'ê û emdamên meclisên şaredarî û yên bajar ên DTP'ê hate vekirin.

'Xebatek dereng mayî ye'

Serokê DTP'a Amedê Firat Anli di merasîma vekirina akademiyê de axivî û wiha got: "Divê berî niha akademî hatiba vekirin. Derengî be jî di encama têkoşîna demokrasiyê ya gelê kurd a 40 sal in didome de, tecrubeyên heyî dê li hemû qadên jiyanê bêne parvekirin. Em ê her kolan û her taxê bikin akademî. Ji bo destnîşankirina pêşeroja xwe em ê zana û hişyartir tevbigerin."

'Em dê dîroka kurdan li vir binivîsin'

Piştî axaftineke kin a nivîskar Faîk Bulut, Hevseroka DTP'ê Emîne Anya axivî û wiha got: "Ez dixwazin, vir wekî wargehê kesên li rastî û xweşikiyê digerin nav bikim. Heta îro ne em bi kurd bi tenê, tevahiya gelên Tirkiyeyê mehkûmî jiyaneke ji rastiyan dûr kirin. Dibe ku ev mekan wekî wargehê lêgerîna ji bo rastî û xweşikatiyê bê dîtin. Em ê li vî wargehî dîroka gelê kurd ji nû ve binivîsin. Di nivîsandina vê dîrokê de cihê kurdan ê li ser vê erdnigariyê dê ji nû ve danîn holê."

Piştî axaftina akademiya ji 2 pol û odeyeke xebatê, pirtûkxane, salona civînê û kafetaryayê pêk tê ji aliyê Hevserok Emîne Ayna, Nivîskar Faîk Bulut û Serokê DTP'a Amedê Firat Anli ve hate vekirin.