Diyarname
Li Hannovera Almanyayê vê yekşemê 50 hezar kes ji malên xwe têne dûrxistin.
Li vî bajarî du bombeyên ji Şerê Cîhanê yê 2'yemîn mane ku vê yekşemê (7'ê mehê) de ew bombe bêne bêtesîrkirin. Ji bo vê yekê dixebitin. 50 hezar kesên li vê beşa bajêr dijîn dê ji malên xwe bêne dûrxistin û bombe bêne bêtesîrkirin. Ev hejmar nêzî ji dehan yekê serjimariya bajêr e. Berî vê jî li Almanyayê operasyonek bi vî rengî çêbûbû.
Rayedaran ragihand ku serê sibê saet 09'an de dê gel ji wê derê bê dûrxistin û êvarê dê bikaribin vegerin malên xwe.
Rayedaran ragihand ku gel dema ji mal derkeve ger hebe dermanên xwe bigirin cem xwe, pêdiviyên sereke bigirin cem xwe û li mal jî pergala gaza xwezayî û elektrîka xwe bigirin.
Plan ew e ku ji bo deh hezaran kesî şorbe û xwarin bê belavkirin.
Balafirên girêdayî Hêzên Mutefîk di Şerê Cîhanê yê 2'yemîn de gelek bombe bi ser Hannoverê de barandin; bi hezaran kes miribû û piraniya bajêr xira bûbû.
Li gelek bajarên welat bombeyên neteqiyayî yên ji serdema şer mabûn û berî Hannoverê li bajarê Augsburgê jî bêtesirkirina bombeyan çêbûbû. Li vî bajarî berî bombeyek bi 3.8 tonî ji bin axê bê derxistin û bêtesîrkirin 54 hezar kes ji cihê xwe hatibûn dûrxistin û ew paşê dîsa vegeriyabûn tax û malên xwe.