Diyarname
Nivîskar Fehîm Taştekîn ku li ser Rojava pirtûk weşandiye û lêkolînên wî hene dibêje, "Çareserkirina girêka El Bab dê ne wisa hêsan be."
Di çarçoveya Fûar Pirtûkan a Stenbolê de bi amadekirina Weşanên Evrenselê panela bi navê "Texteya kişikê: Rojhilata Navîn" hat lidarxistin. Panela ku ji aliyê Ozlem Temena ve hat birêvebirin Fehim Taştekin, Ercument Akdeniz û Ayşe Hur axivîn.
Lêkolîner Ayşe Hur li ser Peymana Sykes-Picot axivî, qala amadekirina wê peymanê ku di sala 1916'an de hate girêdan kir û got ku piştî vê hemû peymanên wê demê li otelan hatin amadekirin bêyî li rewşa bingehîn a wan deran bê nêrîn. Hur da zanîn ku sînorên hemû dewletên neteweyî ji aliyê dewletên mezin ve hatine xêzkirin.
Rojnameger û lêkolîner Fehîm Taştekîn jî li ser rojavayê Kurdistanê axaftina xwe girê da. Taştekîn got ku Tirkiye ligel Rusyayê li hev kir ket Rojava, derdê wê ne DAIŞ, derd Rojava bi xwe bû, dixwaze xweseriya kurdan ji holê rade, ew der dîsa teslîmê Sûriyeyê bibe.
Niha ku meseleya El Babê di rojevê de ye, kurd dixwazin ji ser wir re kantonên Kobanî û Efrînê bigihînin hev, Tirkiye jî dixwaze pêşî li vê bigire û El Babê bigire bin destê xwe, Taştekîn wisa got: "Wekî mijarek rojevî çareserkirina girêka El Bab dê ne wisa hêsan be. Niha korîdorek bi ser El Bab re hinek zehmet dixuye."
Taştekîn diyar kir ku dema mirov li Sûriyê bi kesek re diaxive sedema vê xirecirê Tirkieyyê dibîne û wisa dom kir: "Rêveberiya Sûriyeyê ji bo hinek vîna kurdan bişkîne ji bo ketina wir a Tirkiyeyê çavên xwe hinek git lê di dawiyê de Sûriye bi awayekî dê hebûna, yan jî xweseriya kurdan li wir qebûl bike, bi vî awayî bersivê bide tiştên ku Tirkiyeyê kirine."
Fehîm Taştekîn diyar kir ku niha Tirkiye bi sedema 'Korîdora kurdan saz dibe' dixwaze êrîşê wir bike, berê jî neteweperestên ereb bi sedema 'korîdora kurdan çêdibe' dest werdabû wir û 'Kembera ereb' çêkiribûn. Di dawiyê de Taştekîn bibîr xist ku li Rojava meseleya hevserokatî, ji jor heta jêr ne gotinek li ser kaxiz e, gavek gelek muhîm e, hebûna jinan di her asta rêveberî de ji bo Rojhilata Navîn gelek muhîm e û tê dîtin ku vê yekê heyecanek bi xwe re aniye. Dîsa Taştekîn bibîr xist ku ji ber kurdan lîstika DAIŞ'ê xira kiriye, ber bi pêşveçûyîna wê daye rawestandin DAIŞ li hemberî kurdan bi hêrs e.
Rojnameger Ercument Akdenîz jî qala penaberan, rewşa wan kir û diyar kir ku hikumeta Tirkiyeyê penaber her demê wekî qertek bikar anîne û wisa got: "Niha penaberên ji Sûriyê hatine ne dikarin herin Ewropayê ji ber ku sînor girtîne, ne dikarin vegerin û li wir jî bingeha teqîna bûyerên civakî saz dikin. Rewş ew qas tevlihev e."
Akdenîz bal kişand ser komeleyên wekî Komeleya Rojava, Komeleya Goç-Der û Komeleya Gundem-Der ku li ser zarokan dixebitîn ku ev komele çendek berê ji aliyê hikumeta dewleta Tirkiyeyê ve hatin girtin.
Foto: Cemil Oguz
**
Nûçeyên eleqedar:
- Di Fûara Pirtûkan de dawiya hefteyê
- Hin panel û gotûbêjên li fûara pirtûkan
.jpg)
