AMED

Parêzerên Hevşaredara Bajarê Mezin a Amedê Gultan Kişanak piştî 5 rojan karîn herin cem Kişanak û pêre hevdîtinê bikin. Kişanak ku morala wê li cih e silavên xwe şandin. Piştî vê hevdîtinê bi saetek parêzeran karî herin cem Firat Anli jî

Hevşaredarên Bajarê Mezin ên Amedê Gultan Kişanak û Firat Anli 5 roj in di bin çavan de ne. Komek parêzerên ku di nava wan de parêzer Mehmet Emîn Aktar û Cîhan Aydin jî hene encax îro destûr hat dayîn ku herin hevdîtina Kişanak.

Parêzer çûn Midûryeta Polîsan a Amedê ya ku Kişanak û Anli lê têne girtin. Parêzer Mehmet Emîn Aktar diyar kir ku wan bi Kişanak re hevdîtin kiriye, rewşa wê baş e û morala wê li cih e. Aktar, da zanîn ji bo bi Firat Anli re hevdîtinê pêk bînin dixebitin. Aktar got ku sekna wan a li midûriyetê didome û wiha got: "Kişanak silavên xwe ji her kesi re şandin."

Aktar, di hesaba xwe ya Twitterê de jî wisa nivîsî: "Wekî parêzerên Gultan Kişanak me piştî 4 rojan hevdîtin pêk anî. Rewş û morala wê pir baş e."

Di vê navberê de Aktar got ku ew hê nizanin Hevşaredar çima binçavkirîne, ji ber ku biryara veşartinê li ser dosyayê heye lê piştî îfadeyê ew dê fêm bikin sedem çi ye. Aktar diyar kir ku îşe dê îfadeyên Kinaşak bigirin.  
Aktar piştî vê bi saetek ragihand ku wan karî herin Firat Anli jî bibînin û got ku moralê wî jî baş e û silavên xwe ji bo her kesî şandine.

**
Nûçeyên Elqedar:

- Tîmên sporê piştgirî dan Hevşaredaran 

- NY: Bila Tirkiye hurmetê nîşanî mafên mirovan bide 

- Ji Leyla Xalîd ji bo Kişanak peyama piştevaniyê 

- Şaredarên Koln û Rennesê piştgirî dan Hevşaredarên Amedê 

- 97 saziyên jinan piştgirî dan Gultan Kişanak 

- Demirtaş: Heta şaredarî bi paş ve neyên dê berxwedan bidome 

- Di 10 xalan de binçavkirina Kişanak û Anli 

- YE'yê ji bo bin çavkirina Hevşaredaran bertek nîşan da 

- Nahêlin parêzer jî li dosyaya Kişanak û Anli binêrin

- Polîsan êrîşê wekîlan jî kir

- Hevşaredarên Amedê Kişanak û Anli hatin binçavkirin kirin