AMED (DÎHA) 

Polîsên êrîşî girseya ku li ber avahiya Şaredariya Bajarê Mezin a Amedê kom bûye û binçavkirina hevşaredaran şermezar dike kir. Polîsên êrîşî gel kir, piştre êrîşî wekîlên HDP'ê jî kir û wekîl darp kirin. 

Bertekên gel ên li dijî binçavkirina Hevşaredarên Bajarê Mezin ê Amedê zêde dibe. Welatiyên li ber avahiya Şaredariya Bajarê Mezin kom bûn, rastî êrîşa polîsan hatin. Girseya ku li kolana Lîse kom bû, bê navber siloganên "Amed ranezê, li vîna xwe xwedî derkeve" û "Bijî Serok Apo" berz kir. Piştî girseyê bertekên xwe anîn ziman polîsan bi maşîneyên zirxî û TOMA êrîşî girseyê kir. Polîsan bi ava şid êrîş kir û gelek welatî bi lêdanê binçav kirin. Wekîlên HDP'ê yên ketin navbera girse û polîsan jî rastî êrîşa polîsan hatin. Polîsan Serokwekîla Koma HDP'ê Çaglar Demirel û wekilên HDP'ê Besime Konca, Leyla Birlik, Dirayet Taşdemir, Selma Irmak û Ferhat Encu dorpêç kirin û ew darp kirin. Polîsan bi gotina "Wekîlan jî binçav bikin" û xwestin wekîlan jî binçavbikin. Li ser vê yekê gel bertek nîşan dan û rageşî zêde bû. Hat zanîn ku heta niha 10 welatî hatin binçavkirin. Bertekên gel didomin. 

26 kesên din jî hatibûn binçavkirin 

Îro çend caran polîsan êrîş kir. Di êrîşa li dor nîvrokî de Endama Heyeta Îmraliyê Ceylan Bagriyanik, Berdevka Demî ya KJA'yê Ayla Akat Ata,Sekreterê Giştî yê Şaredariyê Bajarê Mezin ê Amedê Zulkuf Karatekin' û gelek kesên din hatibûn binçavkirin.

Cigirê Hevserokê Giştî yê HDP'ê û Berpirsa Hiqûqê Aysel Tugluk û Hevseroka Komeleya Hiqûqnasên Mezopotamyayê (MHD) Gulşen Ozbek çûn edliyeyê û derbarê welatiyên ku hatine binçavkirin agahî girtin.

Di hevdîtina dozger de hat diyarkirin 26 kes di bin çavan de ne û hat ragihandin ku ji ber di dosyayê de biryara sînordan heye agahî ne hatin dayîn. 

**

Nûçeyên Elqedar:
- Hevşaredarên Amedê Kişanak û Anli hatin binçavkirin kirin