Diyarname
Gelo her du cotên navdar ên Hollywoodê Angelian Jolie û Brad Pitt di dawiyê de hev ber didin? Sedema wekî pirs destpêkirina me ya nûçeyê ev e:
Heta niha gelek caran nûçeya hevberdana wan hatiye çêkirin û her carê ew nûçe şaş derketine. Lê vê carê mesele hinek din cidî dixuye. Li gor nûçeya BBC parêzerê wan ji bo ji hev veqetîna wan serî li dadgehê daye û dest bi karên fermî kiriye. Hat gotin ku ji bo "malbatek tenduristir" ew ji hev vediqetin.
Jolie-Pitt ev 12 sal in bi hev re ne û wan di gelawêja 2014'an de bi awayekî fermî mehr birî bû. Heta niha bi navê Maddox, Pax, Zahara, Shiloh û cêwî Knox û Vivienne şeş zarokên wan hene. Ji van sê zarokên wan bi xwe ne, sisêyê din wan wekî ji nav zarokên bê dê û bav hilbijartine û wekî zarokên xwe xwedî dikin.
Di nûçeyên hatine belavkirin de kesek sêyemîn di meseleyê de nîn e, lê di jiyanê de ji hev cuda fikirîn bûye sedema vê yekê. Nûçe qala serîlêdana parêzerên wan a ji bo dadgehê dike lê ji her duyan heta niha tu daxuyaniyeke fermî nehatiye.