Diyarname
Gerînendeyê Weşanê yê Ozgur Gundemê Bilir (Zana) Kaya û Berpirsê Karên Nivîsaran Înan Kizilkaya ku ev 5 roj bûn di bin çavan de bûn û îro piştî îfadeyan dadger ew  bi îdîaya "endamtiya rêxistinê" û "propagandaya rêxistinê" tewqîf kirin.

Berî van nivîskara rojnameyê Asli Erdogan jî hatibû tewqîfkirin.

Cemiyeta Rojnamegerên Azad (CRA) li ser girtina Kaya, Kizilkaya û Erdogan daxuyaniyek nivîskî da. CRA wisa got: "Kaya, Kizilkaya û Erdogan bi îdîaya 'Endamtiya rêxistinê' û 'Propaganda rêxistinê kirineD hatine girtin ku ev biryar li dijî hiqûqê ye. Di vê pêvajoya ku herî zêde pêdiviya Tirkiyeyê bi demokrasî, ronîkirina rastiyan û edaletê heye, rojname tên girtin. Di vê pêvajoya DAIŞ komkujiyan pêk tîne, li şûna endamên DAIŞ'ê bên girtin û komkujî bên ronîkirin, dijberî vê yekê kujer tên parastin û kesên rastiyan ronî dikin tên girtin. Ev şerma demokrasî û Tirkiyeyê ye. Em wekî CRA girtina hevalên xwe yên rojnameger bi tundî şermezar dikin û em dixwazin di demek kurt hevalên me serbest bên berdan."