Diyarname
Maça fînalê ya di navbera Fransa û Portekîzê de li Stada De France ya li Parîsê dest pê kir, lê berî maçê mêşên bizûz seha dagir kir. Bizûz  wisa pir bû,lîstikvan, heyetên teknîkê aciz bûn, peywirdaran ew paqij kirin.

Piştî vê maça fînalê ku hemû fûtbolhezên Ewropayê li bendê bû li Parîsa Fransayê bi lêdana lîstikvanê Portekîzê dest pê kir. Portekîz ku bêyî têk here heta fînalê hatibû,li hemberî mazûvan Fransayê bû ku Fransa jî heta niha bi awayekî serketî hatibû û ji hemû tîman zêdetir gol avêtibû heta niha; tam 13 gol.

Ataka pêşî di deqîqeya 4'an de ji Portekîzê hat. Nani ket sehaya pêş kelehê lê da gog ji ser kelehê re derket derve. 

Deqîqeya 7'an de vê carê Griezmann lê da lê nekarî Fransayê derxe pêş. 

Deqîqeya 10'an de Griezmann xweş serê xwe lê da lê qelevan derxist 

Ronaldo ku destpêka maçê de derbe xwar, deqîqeya 16'an de careke din ji bo tedawî derket derveyî sehayê, çokê wî hat girêdan û ji bo lîstinê ket sehayê lê nekarî dom bike û di deqîqeya 25'an de ji mecbûrî ji maçê derket. Quarezma ket cihê Ronaldo.

Deqîqeya 34'an de Sissoko ket nava sehaya pêş kelehê, çalimek mikemel kir, pêşî xwe vekir û lêda,qelevanê Portekîzê Patricio bi zor gog derxist.

Nîveka yekemîn bi 0-0 bi dawî bû. 

Nîveka duyemîn bi atakan dest pê kir lê encam nebû.  53'yan de Pogba ji derveyê pêş sehayê xweş lê da encam derneket. 

Griezmann 56'an de aliyê çepê de ket nav sehayê lê da kelevan bi rehetî gog girt 

Colman 65'an de gog ji Griezmann re şand got fermo biavêje, Griezmann hema li ber kelehê serî lê da lê gog avêt derve. Griezmann firsendek mezin xerc kir.

74'an de Giroud nekarî Fransayê derxe pêş.  Kelevan Patricio destûr neda golê.

79'an de Nani lêda kelevan bi zor derxist, gog ket ber Quarezma; wî rovaşata ceriband lê nebû.

81'ê de Nani bi şid lê da lê gog derket derve. 

83, Sissoko ji derveyê pêş sehaya kelehê gelek xweş lê da Patricio xweş derxist  

90+1 Gignac gog li dîrekê xist...

Maç xilas. Lê encam nîn e. Dê 30 deqîqeyên dem dirêj bêne lîstin. Ger deng ji golê derneyê serketî bi penaltiyan diyar bibe. 

Fransayê 17 caran zor de ji bo golê ku 3 jê ji ber keviya golê vegeriya.

Di 15 deqîqeyên pêşî ên zêdek de encam neguherî 0-0. 15 deqîqeyên din hene...

109, gol Eder. Portekîz 1 Fransa 0. Eder ji derveyî sehaya pêş kelehê bi şid lê da tiştek ku qeleparêz bike nîn bû.

120... Û xilas ŞAMPIYON PORTEKÎZ... 

Lîstikvanê maçê: Patricio 

Di vê şampiyoniyê de keda Ronaldo, her çiqas seqet bû derket jî lê piştî tedawî bû û hat kêleka sehayê nav yêdekan qet rûnenişt, li pişt teknîk dîrektorê xwe her deng da lîstikvanên nav sehayê.Û kelevanê Portekîzê Patricio, mirov bibêje îşev keda herî mezin ê wî ye belkî ne derew be; ji ber ku wî çend gogên lîstikvanên Fransayê wisa ji kelehê derxistin ku çepik heq dikir. Em wekî Lîstikvanê Maçê Patricio hildibijêrin, ka UEFA dê kî hilbijêre.