Diyarname
Li Stenbolê 2'yemîn Festîvala Çand û Hunera Kurdî îsal di navbera 7-15'ê mehê de li dar dikeve.
Navenda Çanda Mezopotamya (NÇM) ku par 1'emîn Mîhrîcana Çand û Hunera Kurdî li dar xistibû û gotibê ewê wekî kevneşopî vê festîvalê bidomînin îsal 2'yemîna wê li dar dixe. Ji bo vê yekê li Yapim 13'ê civîna çapemeniyê hat lidar xistin. Nurcan Degirmenci, Veysi Altay û Rugeş Kirici li ser festîvalê axivîn. Daxuyaniya bi kurdî ji aliyê Rugeş Kirici, tirkiya wê jî ji aliyê Nurcan Degirmenci ve hate xwendin.
Di daxuyaniyê de bang li her kesî kirin ku werin ev çalakiyên ku dê neh rojan bidomin bişopînin, xwedî li çand û hunera kurdî derkevin û wisa gotin: "Werin em bi hev re vê rêwîtiyê bidomînin."
Di daxuyaniyê de hat gotin ku "Di dinyaya ku her tişt li ser ji bîr kirinê hatiye sazkirin de ji bo ku ji bîr nekin û nedin ji bîr kirin ew dê hunera xwe pêşkêş bikin, bi vî awayî têkoşîna xwe bidomînin" û wiha dom kirin: "Di rêwîtiya 9 rojan dê bidome de nîşandayîna fîlman, konser, xwendina helbestan, lîstikên şanoyê û pêşangeh hene. Me mijara bingehîn wekî 'hatina cem hev' diyar kiriye û cihê em lê bêne cem hev jî yek ji bajarên girîng ê dinyayê Stenbolê ye. Ligel hunermendên dê ji çar parçeyên Kurdistanê bên emê bêne cem hev û rengê kurdan bigihînin gelên din."
Li Bostanci Gosteri Merkezî jî li Kenter Tiyatrosu jî dê konser li dar bikevin. Dîsa li Cezayir Restorant dê li ser wêje û hunerê panel çêbibe. Di çarçoveya festîvalê de wê gelek hunermend derkevin ser dikê.
Hemû bernameyê hûn dikarin ji vir daxin:
**
Nûçeyên eleqedar:
.jpg)
.jpg)
.jpg)
