Diyarname

Di 2'yemîn Festîvala Çand û Hunerê ya Kurdî ku ji aliyê Navenda Çanda Mezopotamyayê (NÇM) ve tê organîzekirin de konsera "Newaya Çarçira" dê balê bikişîne.

Navenda Çanda Mezopotamyaya (NÇM) Stenbolê îsal 2'yemîn Festîvala Çand û Hunerê li dar dixe. Festîval wê roja 7'ê gulanê bi konserek taybet dest pê bike: "Newayên Çarçira". Di festîvala ku gelek konser, lîstikên şanoyê û nîşandayîna fîlm/belgefîlman lê heye de Newayên Çarçi dê balê bikişîne ser xwe.

"Newayên Çarçira" projeyek taybet e rêwîtiya muzîkê ya ji dîroka kurdan derdixe ser dikê, bi formên muzîkê pêşkêş dike. Ev xebata ku serhildan, têkoşîn û şerên di dîrokê de pêk hatine dike mijara xwe, pêre jî mijarên eşq, jiyana xebatê û tiştên din ên rojane ku parçeyek ji vê têkoşîna dîrokî ye di nava xwe de dihebîne. Di vê projeyê de stranên ji zaravên kurdî bi deng û awaza hunermendên Navenda Çanda Mezopotamyayê derkeve ser dikê. Hunermendê wekî Ciwan Adar, Çiya Şenses, Ferit Elalmiş, Genim, Hîvda Gokel, Meral Tekçî, Nurcan Degirmencî, Nurhak Kilagoz, Rojda, Ruken Yilmaz, Serhak Kaplan, Serhat Kural, Weysî Ermîş û Zelal Gokçe di nav projeyê de cih digirin.

Konser dê êvara 7'ê mehê saet 20'an de li Kenter Tiyatrosu ya li Harbiyeya Stenbolê li dar bikeve.

**

Nûçeya eleqedar:

- Yelda Abbasî û Tehsîn Xidir konsera xwe pêşkeş dikin 

 ***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.