Amed

Bifikirin li ser kolanê avahiya te îstîmlaq (Dest danîn ser) dikin lê avahiya li kêlaka te îstîmlaq nakin û dihêlin? Çima? Ji ber ku tu ne alîgirê wan î, yê din alîgirê wan e.

Em qala meseleya îstîmlaqa li Sûra Amedê dikin. Dewletê sedî 82'yê navçeya Sûra Amedê îstîmlaq kir lê niha agahiyên balkêş derketin holê. Li gor nûçeya Bêrîtan Îrlan a di DÎHA'yê de avahiya Yakut Plaza ku xwediyê wê Abdurrahman Yakut e û ji AKP'ê bûbû berendam nehatiye îstîmlaqkirin lê heman kêleka wê Avahiya Tekbîr heye ku ji ber avahiya bavê Endama Kîmosyona Hiqûqê ya DBP'ê Parêzer Ferîde Laçîn e hatiye îstîmlaqkirin.

Vaye beşek ji nûçeya Îrlan a di ajansê de:

"Piştî biryara "îstîmlaqkirin" a navçeya Sûrê ya Amedê, her roj şopên ranta AKP'ê derdikevin holê. Bi nîşaneyên ku derdikevin holê jî tê dîtin, "îstîmlaqkirin" a Sûrê ne ji bo restorekirin yan jî xizmeta gel, ji bo rantê ye. Gelek avahiyên ku di bin mulkiyetên alîgirên AKP û dewletê de ne nehatine "îstîmlaqkirin". Ev jî nîşan dide ku ji bo avahiyên alîgirên AKP'ê îstîmlaqkirin nayê pêkanîn. Yek ji van avahiyan jî Yakut Plaza ya di bin mulkiyeta Abdurrahman Yakut de ye ku nehatiye îstîmlaqkirin. 

Ne li gor îmara parastina Sûrê ye

Yakut Plaza li ser çar rêya Gazî ye. Li gorî îmara parastina Sûrê nabe ku avahî ji 3 qatan derbaz bibe. Lê Yakut Plaza avahiyek 7 qat e û li ser 7 qatan jî malek ji texteyan hatiye çêkirin. Li gel ku Yakut Plaza ne li gor îmara parastina Sûrê ye jî, biryara îstîmlaqkirina wê nehatiye girtin. Di heman demê de hat zanîn ku Yakut Plaza li cihê xanek dîrokî hatiye çêkirin. 

Xwediyê Yakut Plaza Abdurrahman Yakut Serokê berê yê kuluba Diyarbekir Spor e. Yakut di 3'ê tîrmeha 2011'an de, ji bo teşebusa şike ya di maça Karşiyakaspor - Giresunspor ku di 18'ê nîsana 2011'an de hatibû lîstin hat binçav kirin. Yakut di 6'ê tîrmeha 2011'an de hat girtin û li girtîgeha Metrîsê ma. Yakut di 12'ê kanuna 2012'yan hat berdan. 

Baweriya wî bi "edaleta Erdogan" tê

Di heman demê de Yakut ê ku bawerî bi edaleta Erdogan tîne, ji bo hilbijartinên 7'ê hezîrana 2015'an ji bo bernamzetiya AKP'ê serlêdan kir û li ser vê mijarê jî daxuyanek wiha da: "Ji ber ku ez dizanim AKP û Serokwezîr Erdogan ji bo welatê me gelek xizmet kirin, min serlêdan li AKP'ê kir. Ez bi edaleta serokwezîr bawer im". 

i bo alîgir nîn e, lê ji bo endama DBP'ê heye 

Mînaka herî berçav ya dagirkirina Sûrê avahiyên Yakut Plaza û avahiya Tekbîr e. Avahiya Tekbîr cihê kirîn û firotinê ye ku di bin mulkiyeta bavê Endama Komîsyona Hiqûqê ya DBP'ê Parêzer Ferîde Laçîn e. Avahiya Tekbîr bi qata zemînê ve 3 qat e, li gor îmara parastina Sûrê hatiye çêkirin û xwedî tapû ye. Lê lijneya wezîrên AKP'ê biryara îstîmlaqkirina avahiya Tekbîr a li tenişta Yakut Plazayê daye. Her du avahî jî li ser Rêya Gazî ne, biryara îstîmlaqkirina avahiya AKP'ê nehatiye, lê ya avahiya endama DBP'ê hatiye dayîn. 

***

 HIN NÛÇE...

- Mirovê ku gelek kesî ji peyvên wî sûde wergirt: D. Îzolî

- ‘Kerî’ bi awayê nûkirî tê nîşandayîn

- Romeke nû ‘Stêrkek Xuricî Ferêt’ derket

 - Parêzer: Bila malbat ji bo betalkirina 'îstîmlaqkirinê' dozê vekin