Diyarname
Di Koma G ya Kûpaya Cîhanê de Portekîz îro li hemberî Koreya Bakur lîst û bi 7-0'ê maç bi dest xist. Ev encam wekî yek ji skorên herî mezin a kûpayê ket nav rûpelên dîrokê.

Golên Portekîzê Meireles, Simao, Almeida, Tiago (2), Liedson û Ronaldo avêt.

Heta niha skora herî bilind a golan a di Kûpaya Cîhanê de  di destê Macaristan û Yûgoslavyayê de ye. Di Kûpaya Cîhanê ya sala 1982'yan de (wê salê li Spanyayê maç li dar ketin) El Salvador bi 10-1'ê têk biribû. Dîsa Macaristanê di Kûpaya Cîhanê ya sala 1954'an de (Wê salê li Swedê li dar ket) Koreya Başûr bi 9-0'ê têk biribû.

Yûgoslavyayê jî di sala 1974'an de (Wê salê Kûpaya Cîhanê li Almanyayê li dar ket) nûnera Afrîkayê Zaîre bi 9-0'î têk bir.

Di dîroka Kûpaya Cîhanê de hin skorên bilind:

Maç - Encam -  Sal
- Macaristan - El Salvador: 10-1, 1982

- Macaristan - Koreya Başûr: 9-0, 1954

- Yugoslavya - Zaîre: 9-0, 1974

- SWêd - Kuba: 8-0, 1938

- Uruguay - Bolîvya: 8-0, 1950

- Almanya - Erebistana Siûdî: 8-0, 2002

- Macaristan - Almanyaya Rojava: 8-3, 1954

- Tirkiye - Koreya Başûr: 7-0, 1954

- Uruguay - Skoçya: 7-0, 1954

- Polonya - Haîtî: 7-0, 1974

- Portekîz - Koreya Bakur: 7-0, 2010