Diyarname

Nivîskar Welat Dilken bi romaneke nû derket pêşberî hezkiriyên xwe. Romana Dilken bi navê “Stêrkek Xuricî Ferêt” ji Weşanên Peywendê derket.

Welat Dilken ku heta niha hin pirtûkên helbestan û roman pêşkêşî xwendevanên xwe kiribû, niha bi romaneke nû li pêşberî xwendevanan e. Dilken ku wekî qunciknivîs di Diyarnameyê de nivîsên xwe pêşkêş dike, xebatên xwe yên wêjeyî jî didomîne. Xebata wî ya dawî, romana bi navê “Stêrka Xuricî Ferêt” nû ji Peywendê derket. Stêrka Xuricî Ferêt zemanê qedîm û îro tîne ba hev û bi rêya vegotinên paralel, çîroka ava kirina berhemên antîk ên Komagenê û çîroka xirakirina wan bi hev re vedibêje. Çîrokek me dibe zemanên xwedayan û nîşanî me dide ka çawa Samosê nivîsar bi fermanên Keyser, gotinên wî yên yezdanî dinivîse û Hoste Zosîmos wêneyê evîna Samos Stêraya kulek wekî rûyê keybanûyê neqş dike. Çîroka dinê ya arkeologê Alman Dorner e ku keşifkirina berhemên derdora Ferêt û aqûbeta wan a trajîk a di sedsala bîstan de nîşanî me dide. Berhem çi qas bi bikaranîna nivîsên li ser gilkevalan û serpêhatiya Arkeologê alman tehma belgeromanê bide jî, lê kamilbûyîn û evîna Samos xwendevanan dibe nav çîrokeke dilbijok.

Nivîskar Yaqob Tilermenî li ser romanê wisa dibêje, “Roman li dijî helwesta welatên dest­hilatdar ên ku naxwazin dîroka kurdan û ya xaka wan eşkere bibe ku ji bo bermayiyên dîrokî yên ji me re mîrate mayî binavkirin û hilweşandinê layiq dibînin, vegotineke wêjeyî ya di nava cîhaneke sazkirî de dibe bersiveke bedewtirîn ku bi du evînên serdem cuda re digunce: Evîna Samos û Stêra û evîna Dorner a bi arkeolojiyê re.”

Welat Dilken kî ye?

Nivîskar Welat Dilken di bihara 1975’an de, li gundê Dolê yê bi ser bajarê Semsûrê ve ji dayik bûye û li heman bajarî jiyana xwe berdewam dike. Ew 

helbestkar û nivîskar e û heta niha ev pirtûkên wî derketine: 

- Ken Deyndare Me Em Deyndarê Girî Ne" (Helbest 2006 Weşanên Belkî)

- Sî Bi Rojê Xweşik e (Helbest, 2009 Weşanên Lîs)

- Şeva Dawî (Roman 2011 Weşanên Lîs)

- 29 Kul 29 Gul (Helbest 2012 Weşanên Ronahî)

- Siya Derizî (Helbest 2012 Weşanên Ronahî)

- Neynik û Hine" (Helbest 2013 Weşanên Ronahî)

- Stêrkek Xuricî Ferêt / Welat Dilken / Weşanên Peywend / Roman / 120 Rûpel

**

REKLAM
- Ji Kurt Tarîhî 'Kurd û Kurdistan'