Diyarname

Amed Spor ku di maça Kûpaya Zîraatê ya ligel Fenerbahçeyê de pankarta "Bila Zarok Nemirin, Werin Maçê" vekiribû hat cezakirin. PFDK'ê 5 hezar cezaya pereyan li klûbê birî.

Roja 9'ê vê mehê Amed Sporê li Stada Åžilbeyê ligel Fenerbahçeyê lîst. Tîma Amedê bi pankarta "Bila zarok nemirin, werin maçê" derket sehayê. Klûba Amedê berî derkeve maçê ragihandibû TFF'ê ku dê bi pankarteke wisa derkevin sehayê lê ev daxwaza wan nehatibû erêkirin. Ligel vê jî tîm bi vê pankartê derket sehayê.

Maç bi 3-3 bi dawî bû û maça duyemîn a her du tîman dê serê meha adarê de bê lîstin.

Lijneya Dîpîslîpê ya Fûtbola Profesyonel (PFDK) îro li hev civiya û biryar da. PFDK'ê di biryara xwe de got ji ber bêdestûr bi pankart derketiye sehayê 5 hezar TL cezayê pereyan li klûbê hatiye birîn.