Diyarname

Ji Amed, Batman, Kocaelî, Mûş û Îzmîrê agahiyên li ser Newrozê. Li bajaran dest bi pêxistina agirê Newrozê hate kirin jî.

Amedê agirê xwe pêxist jî

Li Amedê duh êvarê yekemîn agirê Newrozê bi beşdariya sedan kesî hate pêxistin û govend hate gerîn. Komeleya Hemwelatiyên Azad a Hasirliyê, li Semta Surîçiyêa yekemîn agirê Newroza 2008'an pê xist.

Di pîrozbahiyên bi hezaran kes beşdar bûn de, lastîk hatin şewitandin û agirê Newrozê bilind bû. Di pîrozbahiyên Serokê Rêxistina DTP'ê ya Amedê Nejdet Atalay, Serokê Giştî yê Komeleya Pêşvebirina Civaka Sivîl Nadîr Yildirim jî beşdar bûn de, koma mûzîkê ya cîgirêyî bi navê Agirê Adarê derket ser dikê. Girseya li dor agir bi dahol û zirneyê govend girê da, diruşm avêtin

***

Li Êlihê bi fîşekên hewayî hatin teqandin

Komîteya Amadekar a Newrozê ya Êlihê li Daristana Bajar a Yaşar Kemal bi teqandina fîşekên hewayî starda Newrozê da.

Digel Şaredarê Êlihê Huseyîn Kalkan û Cîgirê Serokê Rêxistina DTP'ya Êlihê M. Şirîn Tekîk, gelek nûnerên saziyên sivîl yên civakî jî beşdarî pîrozbahiyê bûn. Komê pêşî agir vêxist û bi stiranên Koma Navenda Çanda Buharê li dora agir govend girt.

***

Polîsan mudaxeleyî pîrozbahiyê kir

Li Navçeya Narlidere ya Îzmîrê polîsan mudaxaleyê koma ku dixwest Newrozê pîroz bikin kir û 5 kes girt bin çavan.

Li Taxa Ataturk a Navçeya Narlidere ya Îzmîrê Ciwanên Welatparêz û Demokratîk (YDG) duh êvarê Newroz pîroz kir. Nêzî 50 ciwanan agir vêxistin.
Palîsan mudexele kir û Ridvan Cenguz, Murat Tural, Ozkan Aydin û 2 kesên din hatin bin çavan.

***

Li Melazgirê agir pêket

Li Taxa Kizilbaşlar a navçeya Melazgira Mûşê jî duh êvarê agirê Newrozê hate pêxistin.
Komê li dora agir govend girêda dirûşm berz kirin. Piştî demekê polîsan xwest bi ekîbên îtfaiyeyê mudaxele bike lê gel nehişt û pevçûn derket.

***

Kocaelî di 23'ê adarê de Newrozê pîroz dike

DTP'ya Kocaeliyê diyar kir ku li Kocaleyê dê 23'yê mehê Newrozê pîroz bikin.
Pîrozbahiya Newrozê dê di 23'ê adarê, roja yekşemê saet 11:00'an de li ber Şaredariya Bajaroka Dilovasiyê dest pê bike. Di pîrozbahiyan de dê Hozan Jêhat, Hozan Îsmaîl û Grup Yolcu stranên xwe pêşkêş bikin