Amed
Hevserokên HDP'ê Selahattin Demirtaş û Figen Yuksekdag, Hevserokê DBP'ê Kamuran Yuksek, Berdevkê HDK'ê Ertugrul Kurkçu, Hevserokên KCD'ê Hatip Dicle û Selma Irmak li ser rewşa dawî li Amedê bi hev re daxuyanî dan çapemeniyê.
Vaye ji axaftina wan çend not:

Demîrtaş:

- Gel li her derê ber xwe dide û wê bide jî.

- Hûn di rewşeke şermê de ne. Hê di destê we de planek çareseriyê nîn e, we tang xistine bajaran, hûn radibin qala zagona bingehîn a nû dikin. Erê li hemberî vê zilmê gelê me zehmetiyê dikişîne em dizanin. Lê operasyonên wê vê zilmê didin jiyandin. Yên ku camî şewitandin peywirdarên dewletê ne. Ev kar wê zêde nedome, zilm nikare bibe herdemî. 

- Em li gel gelê xwe rêbaza çareseriyê nîqaş dikin, ligel gelê xwe ji bo ev zilm bi dawî bibe em berxwedanê bilind dikin.

- Hefteya pêşiya me emê beşdarî civîna KCD'êbibin û hin biryaran bigirin. 

- Ji têkoşîna ji bo xweserî û xweseriya cewherî emê gavek jî bi paş ve neavêjin. 

Dîcle:

- Pirsgirêk êdî ne pirsgirêka xendekê ye. Êdî berê xwe dane daxwaza azadiyê ya gelê me ya ku bilindtir bûye. Daxwaza xweseriya cewherî mafek e, ev yek di peymanên navneteweyî de jî hatiye qebûlkirin û meşrû ye. Em wekî KCD bi hemû saziyên xwe xwedî lê derdikevin. Konsepta şerê ku hikumet dimeşîne bê helal, bê hiqûq e.