DÎHA

Hevşaredarê Agiriyê Sirri Sakik bersiv da îdiayên Waliyê Agiriyê Musa Işın ku piştî ji sekreteriya Efkan Ala hat bajêr û navê wî di nav komkujiyan de derbas dibû. Sakik destnîşan kir ku heke gotegotên bi vî rengî hebin divê dewlet pêşî lê bigire û wiha axivî: “Hûn dewlet in. Divê hincetan negerin. Ev îdia me diltirs dikin. AKP ji bo ku hilbijartinê de parlementerek derxe dibe ku xwînê birijîne û em jî di nav vê fikarê de ne.”

Waliyê Agiryê Musa Işin ku bi gotin û kirinên xwe navê wî bi komkujiyan re derdikeve bi gotinên xwe yên li navçeya Zêdkan dîsa derket holê. Walî Işın ku ji walitiyê zêdetir wekî serokê bajêr ê AKP’ê tevdigere di civîna bi esnafan re de bi gotinên "Niha lîstikek PKK’ê heye ku dixwaze li Deriyê Sînor ê Gurbulakê û Bazîdê bixe dewrê. Talîmateke ji PKK’ê re hat ku dibêje ‘Li Bazîdê û Gurbulakê komkujiyek pêk bînin û bibêjin dewletê kiriye’.” 

Hevşaredarê Agiriyê Sirri Sakik bersiv da van îddiayên valiyê Agiriyê û diyar kir ku bi nûçeyên dê komkujî pêk werin nûçeyên spekulatîf belav dibin. Sakik destnîşan kir ku heke gotegotên wisa hebin pêywira dewletê jî pêşî girtina van bûyeran e û wiha got: “Hincetan negerin. Di navenda Enqerê de zêdetirî 100 welatî tên qetilkirin. Hûn bergirî nagirin û dixwazin bûyerê biavêjin ser PKK’ê.” Sakik da zanîn ku civak êdî ji van tiştan bawer nake û wiha axivî: “Daxuyaniyên bi vî rengî me didixe nav fikaran. Em dibêji gelo proje û planek bi vî awayî heye an na? Ji bo parlementerekê/î dixwazin xwîn birijînin. Ev pirs di mêjiyê me de ne.”

‘Eşeke giran dikişînin’

Sakik anî ziman ku hem walî hem jî dewlet li hember vîna Agiriyê di nav êşeke mezin de ne û wiha pê de çû: “Di hilbijartinan de Agirî bajareke serkeftî bû. Beriya niha vî bajarî weke keleheke xwe diditîn. Piştî ev keleh ji destê wan çû seneryoyeke ku ji Giyadînê dest pê kir xistin dewrê lê belê ev vîn neşikest. Ji ber vê jî gelek aciz in.”

‘Gel ji van gefan natirse’ 

Sakik destnîşan kir ku waliyên berê yên dema CHP’ê wekî mufettîş û serokê bajêr tevdigeriyan û wiha berdewam kir: “Em armanca valiyê niha jî baş dizanin. Piraniya waliyên li herêmê dixebitin sêpanên desthilatdarê niha dixin dewrê. Ji serokên bajêr ên AKP’ê zêdetir dixebitin. Ji gundî, mixtarangef dixwin û bi tirs û xofê dixwazin herêmê bixin bin bandora xwe. Lê bila baş bizanibûn ku gelê kurd tirs û xofan têk bir. êdî şansek nîn e ku tirs li vir bibe desthilatdar.”

Sakik bi lêv kir ku ew bûyerên Tendurek û Giyadînê baş dizanin û tu carî ji bîr nakin. Sakik da zanîn ku li cihê walî berpirsên van komkujiyan bibîne dikeve nav hewldana sergirtina komkujiyan û wiha axivî: “ Mixabin walî ser gunehên dewletê digirin. Di navbera daxuyaniya duh û yên salên beriya niha tu cudahî nîn in. Ji bo ku di bajareke mezin de pêywirê bigirin hemû rêyên şaş ji bo wan derbasdar e. Kuştin û xwînrêtin ne xema wan e.” 

‘Hûn ê hêza hêzên demokrasiyê yên Tirkiyeyê bibînin’ 

Sakik bi lêv kir ku salên 1990’î êdî derbas bûyer û got ku bila Waliyê Agiriyê Işin bila ji wan sêpanan ji dûr bikeve. Sakik got ku walî bi van sêpanan dixwaze gel bitirsîne û jê encamek bi dest bixe û wiha axivî: “Bi propagandayeke qirêj vê dike. Di demên borî de em bi van re gelek caran rû bir û man. Bi van gotin û sêpanan walîtî nayên kirin. Gelê me jî kê dijmin û kê hogir e baş dizane. Em sîyaseta demokratîk baş dizanin û rewş çi dibe bila bibe em ê dersekê bidin wan. Wan li Geverê ji gel re ‘Hûn ê hêza tirkan bibînin’ digotin. Em jî bang li wan dikin û ji wan re ‘Hûn ê hêza hêzên demokrasiyê yên Tirkiyeyê û gelê Kurd di hilbijartina 1’ê Mijdarê de bibînin.’ Dibêjin. Her kes dê li hember vê vîna gel rêzdar tevbigere.