Amed
Komeleya Nivîskarên Kurd li Amedê daxuyanî da çapemeniyê û xwest her kes pêşî li mirinan bigire.

Komek endamên Komeleya Nivîskarên Kurd ji bo balê bikişînin ser grevên birçîbûnê yên li girtîgehan li Yenîşehîra Amedê daxuyanî dan çapemeniyê. Daxuyanî ji aliyê Serokê Komeleyê Şêxmûs Sefer ve hate xwendin. Sefer wisa got: "Îro li kîjan welatê dinyayê ku hinek pêşketibe mirov ji bo perwerdehiya bi zimanê zikmakî dikevin greva birçîbûnên." Sefer bal kişand ser bêpejinkariya saziyên sivîl û çapemeniyê.

Sefer wisa got: "46 roj in ev greve bi daxwazên însanî didomin. Bêdengbûna li hemberî van çalakiyan, ji aliyekê ve jî wekî li bendemayîna mirina wan, derketina rewşeke nexweş dê sedem dewlet bi xwe be. Peywira sereke ya dewletê ew e ku di zûtirîn demê de ji bo dawîlêanîna grevên birçîbûnê gavê biavêje. Rewşenbîr, nivîskar, demokrat, yan jî pênasa me çi dibe bila bibe em bi hemû pejinkarî û wijdana xwe pêşî li mirinan bigirin."

Sedan Can xwînê vedirişe

Girtiyê Girtîgeha Tipa L ya Kalkandereya Rîzeyê Hasan Kaçar ku 10 salin ji doza PKK’ê girtî ye, bi riya telefonê li malbata xwe geriya û diyar kir ku, Sedat Can (yê di greva birçîbûnê de ye) xwîn vedireşe û rewşa wî nebaş e. Birayê Hasan Kaçar Mahmut Kaçar diyar kir ku, birayê wî biboneya cejnê bi telefonê li wî geriya ye û wiha got: "Birayê min 13 roj in ketiye grevê. 10 sal in ji doza PKK'ê girtî ye. Berê çend caran emeliyat bû û nexweşê romatîzmayê ye. Bi telefonê ji me re got, ‘bi taybetî kesên ketine grevê rewşa Sedat Can giran e’. Êdî xwîn vedireşe. Birayê min Kaçar diyar kir ku, ew dê heta dawî çalakiya xwe berdewam bikin û heta daxwazên wan pêk bên dê çalakiya xwe pêk bînin. Em dixwazin bi lezgînî daxwazên wan pêk bên. Divê her kes baş zanibe ku heta dawî em li pey daxwazên wan in."

22 saziyên sivîl bang li Parlemena Swêdê kirin

22 saziyên sivîl (yên kurd, tirk, elewiyan) ku li Swêdê xebatên xwe dikin bang li parlemenên Swêdê kirin ku ji bo grevên birçîbûnên didomin bikevin nav tevgerê.

Saziyan ji bilî "Demokratên Swêdê" ku partiyeke nijadperest û neyarê biyaniyan e ji hemû mebûsên Swêdê re name şandin.

***

Nûçeyên eleqedar:

- Baydemir diçe cem TUSÎAD û Yaşar Kemal

- Şivan Perwer: Li hemberî greva birçîbûnê bêdeng nemînin

- Navên hemû girtiyên di greva birçîbûnê de ne

- Nivîskar û rewşenbîran piştgirî da grevan

- Li Ewropayê çalakiyên piştgiriyê

- Bajar bi bajar çalakiyên ji bo grevê

- Zarokên Apê Mûsa jî di grevê de ne

- 41 roj in greva birçîbûnê didome

- Şaredaran piştgirî da Greva Birçîbûnê

- Kaya û Sariyildiz jî ketin greva birçîbûnê

- 36 roj in girtî di grevê de ne