Amed
20 lîstikvanên Diyarbekirsporê ji ber ku pereyên wan nehatine dayîn qamp terk kirin.

Diyarbekirspor di Bank Asya Lîga 1'em de dilîze. Tîm niha li Antalyayê di qampê de ye. Tîm divê duh bi Erciyesporê re bilîsta lê fûtbolkar deneketin sehayê û li otela xwe man. Sedem pereyên wan nehatine dayîn.

Serokê Klûba Diyarbekirsporê Abdurrahman Yakut da zanîn ku fûlbolkarên wan qamp terk kirine û wiha berdewam kir: "Di paşerojê de rêveberiyê şaşî kirine. Di bin serokatiya Adnan Oktüren de pereyên pêşîn ê lîstikvanan û 17 maç jî pereyê serê maçê nedane wan. Ji ber vê yekê Okturen hem ev lîstikvan hem jî tîm mexdûr kiriye. Digel vê yekê jî rastiya tîmê ji Walî Huseyîn Avnî Mutlu û siyasmedaran veşartiye. Bi polîtîkayên rojane tîm xizmeta nava zehmetiyê."

Serokê Diyarbekirsporê Yakut da zanîn ku niha lîstikvanan qamp terk kiriye, em nizanin em dê çi bikin, fûtbolkar mafdar e.

Li gor gotina Yakut niha 12 mîlyon TL deynên Diyarbekirsporê hene, ji vê 5.5 deynên rêveber, 500 hezar TL deynên lîstikvanên biyanî ku li cem FIFA'yê ew teqez bûne, her wiha deynên lîstikvan, personel, SSK û bacê.