Diyarname
Hevserokê HDP'ê Selahattin Demirtaş roja çarşemê ji bo hin hevdîtinin çûbû Brukselê û ligel Zubeyir Aydar û Remzi Kartal axivîbû. Demirtaş piştî hevdîtinan bi her du rayedarên KCK'ê re vê carê bang li rayedarên Yekîtiya Ewropayê (YE) û rayedarên NATO'yê kir ku ji bo çareserî bikevin nava tevgerê.
Demîrtaş bang li YE'yê kir ku hinek çalak tevbigere û got: "YE divê bi awayekî zelal piştgirî bide muzakereyên di navbera PKK û Tirkiyeyê de."
Her wiha Demîrtaşî ji bo NATO'yê jî got ku divê NATO li hemberî êrîşê hêzên tirk ên li başûrê Kurdistanê bikeve nava tevgerê.
Demîrtaş ku hefteya borî bi Nûnera Bilind a Polîtîkaya Derve û Ewlehiyê ya YE'yê Federica Mogherini re bi telefonê axivî bû, îro jî dê bi şefê ofîsa Mogherînî Stefana Manservisi re hevdîtinek pêk bîne.
Selahattin Demirtaş ji bo ajansa Almanyayê DPA axivî bû û gotibû ku êdî li Tirkiyeyê koalîsyonek ne mimkûn e û Tirkiye ber bi hilbijartina pêşweşt ve diçe.
Demirtaş got ku Serokomarê Tirkiyeyê Recep Tayyip Erdogan ji bo zerarê bide HDP'ê çi ji dest tê dike û xwest YE ji bo ji nû ve çêkirina şerawestin û muzakereyan bikeve nava tevgerê. Her wiha ji bo çavdêriya muzakereyan jî Demîrtaşî got ku YE yan jî saziyeke din dikare rol bigire.
Ji Deutsche Welle hatiye girtin