ERDEXAN (DÎHA) 

Leşkerên derketibûn operasyonê mînîbusa ji gundê Gundikê yê Golana Erdexanê diçû zozanê gulebaran kir. Di encama gulebaranê de Kamber Morkoç mir û welatiyên bi navê Sabrî Morkoç û Altan Akin birîndar bûn. 

Li gundê Gundikê yê Golana Erdexanê leşkerên ev 2 roj in li herêmê derketibûn operasyonê, mînîbusa welatiyên sivîl gulebaran kir. Di encama gulebaranê de Kamber Morkoç li cihê bûyerê jiyana xwe ji dest da, welatiyên bi navê Sabrî Morkoç û Altan Akin jî birîndar bûn. Li gorî agahiyan, Kamber Morkoç, Sabrî Morkoç û Altan Akin seat di 08.00'an de ji bo biçin zozanê xwe li mînîbusê siwar bûn û ji gund ber bi zaozanan ve bi rê ketin. Hat ragihnadin ku leşkerên ku 2 roj berê ji Erdexan û Golanê hatibûn û li daristanê ser sînorê Erziromê bi cih bibûn. Leşkeran mînîbusa ku her sê welatî têde bûn bi çekên lûledirêj gulebaran kirin. Li ser vê gulebaranê wesayît rawestiya û leşker hatin cem mînîbusê. Leşker bêyî ku mudaxaleyî birîndaran bikin ji wir çûn. Kamber Morkoç (70) ligel hemû hewldanan ji nefilitî. Sabrî Morkoç ji sînga xwe û Altan Akin jî ji zikê xwe birîndar bû. Akin bi halê xwe yê birindarî wesayît ajot û anî Nexweşxaneya Dewletê ya Goleyê. Piştî mudaxaleya pêşî ya li Golanê ji wir sewqî Nexweşxaneya Dewletê ya Erdexanê kirin.

Her wiha leşkerên ku derketibûn operasyonê berî gulebaranê welatiyên gundê Senemogluyê yên diçûn zozanê rawestandin û nasnameyên wan kontrol kirin. Leşkeran heqaret li welatiyên li hemberî pêkanînên derketin kirin.

Polîs nahêlin gel here cihê bûyerê

Piştî êrîşa leşkeran welatiyên xwestin biçin herêma operasyonê ji hêla polîsan ve hatin rawestandin. Hat ragihandin ku polîsên ku 6 km. dûrî navçeyê bi wesayîtên zirxî bendê danî ser rê û nahêlin welatî biçin herêma operasyonê. Li hemberî vê helwesta polîsan welatiyan dest bi çalakiya rûniştinê kir û parlamenterên HDP'ê ji bo polîs rê vekin bi rayedarên polîsan re hevdîtinê pêk tînin.

Beriya çûna herêma operasyonê, di nava wan de parlamenterê HDP'ê yê Erdexanê Taşkin Aktaş jî heye gelek welatî ji bo şermezarkirina êrîşê heta edliyeya Erdexanê meşiyan, Di meşê de bênavber dirûşmên "AKP dê hesab bide gel" û "PKK gel e, gel li vir e" berz kirin. Parlamenter Aktaş got ku AKP fermana vê operasyonê daye û wiha axivî: "Bi vê yekê êrîşî îradeya gelê Gole û Erdexanê di 7'ê hezîranê de nîşan dane kirin. Ji bo pêşiya operasyonê û pevçûnê bigirin gel li ser piyan e."