Amed
Amedspor eyro kongera xo viraşt. Kongre de name û îdarekerê Amedsporî ameyê bedilnayîş. Semedo ke wa nameyê taximê sporî yê Şaredarîya Bajarê Gird ya Amedî bibo Amedspor TFF rê muracat viraziyabî la semedo ke no name amên şuxulnayîş nameyê Amedspor niyamebî qebûlkerdiş. Na rey endaman kongre de biryar girot ke nameyê Amedspor bikerê "Amed S.K.". Semedê nameyo newe go miracatê TFF'î bikerê.
Amedsporê Şaredariya Bajarê Gird a Amedî Kongrey Xo Saloney Sîneme ya Burhan Karadenîz de viraşte. Kongre de Hemserekê Amedspor û temsîlkarê Amedspor hedre bî. Weçînayîşê dîwane ra dima Hemserekê Amedsporî Îhsan Avci qalîkerdişêk kerd û kesê ke rojê xidar de paşta înan vejîyayê rê spas kerd û wina vat: "Nika Tirkiya de 126 kulubê profyesonel estê. Ê kuluban ra se ra 80'ê ci A.Ş'yê. Spor semedê ma mazemeyêk nîyo. Ma taximê xo bi rexneyan ver bi serkewtiş berd. Ez sey Hemserekê Amedsporî rexnedayîşê xo dana. Roja ewil ra nata ma pê emego pîl ameyê na merhele. Ez nameyê heme îdarekaranê ma ser şima heminan rê spas kena.."
Temsîlkarê Amedsporî Soran Haldî Mizrak zî derheqê nameyê Amedsporî de malumat da. Mizrakî îzeh kerd ke Amedspor semedê nameyê xo TFF rê muracat kerd bî la no name nêamebî qebûlkerdiş û wina vat: "Na rey nameyê Amedspor bîyo Amed S.K. Semedê nameyo newe TFF rê onca muracat virazîyeno."
Qalîkerdişan ra dima weçînayîş virazîya. Gorê netîceyê weçînayîşî rê Alî Karakaş, Nurullah Edemen, Suleyman Gokalp, Servet Erol, Abdullah Sevînç, Nesîh Aktepe, Adnan Zengin, Soran Haldî Mizrak, Kahraman Papatya, Ekrem Yeşîl, Emrullah Gurbuz, Dîlan Yumlu, Seda Can, Besra Ekîncî û Şîvezat İşik Zorlu semedê îdarekerîya Amed S.K ameyê weçînayîş
Endamê rêveberiyey Amedsorê go rojê vernî ma kombiyayişê xo virazê û biyanê xora serok û cîgiran weçînê.
Komey Amedsporê diyar bî
Heto bîn ro jî koma ke Amed Spor serey vernî ma tede kay bikero diyar bî. Qeybî nay joy eyro cay TFF'î ya Rîvaya Beykozê Stenbolî di pişke hamî antişî. Di pişke de veciya orte ke serey vernî ma Amed Spor di Koma Sûrî ya Lîga 2'yinan a Spor Toto de go kay bikero. Reqîbên Amed sporî jî eniyê: Ankara Demir, Aydin 1923, Buca, Eyup, Fatih KaragumrukAŞ, Gumuşhane, İnegol, Kocaeli birlik, Manisa, MKE Ankaragucu, Sivas Belediye, Tarsus İdman Yurdu, Tepecik AŞ, Tokat, Tuzla.