Diyarname

Weqfa Rescue4Children ji ber hewldana wan a parastina zarokan xelat da Hevserokê PYD'ê Salih Muslim. Muslim.

11'emîn car Konferansa Kurd a li Parlemena Ewropayê li dar ket. Di dema lidarketina konferansê de  Weqfa Rescue4Children (Rizgarkirina Zarokan) xelat da Salih Muslim.

Serokê Weqfê Mahir Kiliç di konferansê de mafê axaftinê girt got ku hêzên leşkerî yên PYD'ê di meha gelawêjê de li Çiyayê Şengalê bi hezaran zarokên êzîdî û malbat ji destê DAIŞ'ê rizgar kirine û ji bo vê yekê ew sipasiya wan dikin. Kiliç piştî axaftinê plaketa sipasiyê da Muslim. Her wiha Kiliz got ku niha hê bi ser 1500 kesî de zarokên di bin temenê 18'an de ji aliyê DAIŞ'ê ve hatine revandin û xwest Neteweyên Yekbûyî û rêxistinên navneteweyî ji bo vê yekê bikevin nava tevgerê.

Muslim jî got ku ew bi girtina xelateke wisa serbilind e û sipasiya Mahir Kiliç û weqfê kir.

WEQFA RESCUE 4 CHILDREN

Weqfa Rescue 4 Children di rezbera 2011'an de hate avakirin, ji sermaweza 2012'yan ve di kampanden xizmetê dide zarokan. Navenda weqfê li Londonê ye û li Bruksel, Hewlêr û Silêmanî ofîsên wê hene. Niha 16 xebatkarên weqfê li herêmê hene, jixwe di 6 - 8 hefteyan carekê 2-3 kes diçin herêmên û alîkariyê digihînin yên mihtac.