Diyarname
Serokê Herêma Kurdistana Federal Mesûd Barzanî îro çû serdana Şaredarê Bajarê Mezin ê Amedê Osman Baydemîr. Baydemîr jî, Baydemîr jî gotin Amed jî Hewlêr jî mala me ye. Di daxuyaniya herduyan de yekîtiya kurdan derket pêş.
Serokê Herêma Kurdistana Federal Mesûd Barzanî ku duh hatibû Amedê îro çû serdana Şaredarê Bajarê Mezin ê Amedê Osman Baydemir. Baydemîr ligel mebûsên BDP'ê pêşwazî li Barzanî û heyeta pêre kir. Piştî hevdîtina li şaredariyê di derketinê de li ber avahiyê her duyan daxuyanî da.
Baydemîr kêfxweşiya xwe ya ji bo mazûvaniya Barzanî anî ziman, careke din xêrhatin li Barzanî kir û got: "Amed, Hewlêr, Qamişlo mala me hemûyan e. Ez Hêvî dikim miletê kurd bi rojeke berî rojekê bigihîje aştiyê, bigihîje azadiya xwe."
Baydemir qala Newroza 2013'yan ku Rêberê PKK'ê Abdullah Ocalan biryara pêvajoya aştiyê dabû kir û got: "Daxuyaniya ku Serok Ocalan di Newrozê de da rêya prosesa aştiyê li Tirkiyeyê vekir. Ew ên di nav aştiyê de cih girtine, wekî Serok Ocalan, wekî Serokwezîr Erdogan em sipasiya wan dikin. Ji nemir Mela Mistefa Barzanî, heta Mazlum Dogan, heta Sakine Cansiz ez wan bibîr tînim, bejna xwe li ber wan ditewînim."
Barzanî: Silavên taybet ji bo Amedê min anîn
erokê Herêma Kurdistana Federal Mesûd Barzanî jî sipasiya Baydemîn kir, kêfxweşiya xwe ya ku firsendeke wisa daye wî kir û wisa got: "Ez kêfxweş im we firsendeke wisa da me, em hatin hizûrê. Hatina me ji bo biratî û aştiyê ye. Em hatine piştgiriya aştiyê bikin. Em hevgirên silamên gelê Kurdistanê, gelê Tirkiyeyê giştî ne. Silavên taybet ên Hewlêrê ji bo Amedê me anîne."
Barzanî got ku gelê Kurdistanê gelekî aştixwaz in, em destê aştiyê dirêjî ereb, tirk û farisan dikin û wisa dom kir: "Em gavên ku birêz Erdogan û Ocalan avêtine bi teqdîr nêz dibin. Ji ber dema aştiyê dane destpêkirin û em bi hemû hêza xwe li pişt vê ne. Em ji gelê Kurdistanê re dibêjin bila bi sebir be ji ber ku projeya aştî projeyeke ne hêsan e. Tiştê bi aştiyê hatine bi dest xistin bi tiştek din nayê bi destixstin."
Piştî daxuyanî Baydemîr, mebûsên BDP'ê, Barzanî û heyeta pêre ji bo xwarinê çûn restorantê. Li gor bernameyê Barzanî piştî xwarinê dê bi hin saziyên sivîl re hevdîtinê pêk bîne û ber êvarkî ji bo hereme Hewlêrê dê xatirê xwe bixwaze.
***
***
Nûçeyên eleqedar:
- Baydemîr pirtûka 'Meyîr' û 'Amed' diyarî Erdogan kir
- Barzanî: Bijî biratiya tirk û kurdan
.jpg)
.jpg)
